Wetterrotten

De wetterrotten of wrotrotten (wittenskiplike namme: Arvicola) foarmje in skaai fan 'e klasse fan 'e sûchdieren (Mammalia), it skift fan 'e kjifdieren (Rodentia), de famylje fan 'e wrotmûseftigen (Cricetidae), de ûnderfamylje fan 'e wrotmûzen (Arvicolinae) en de tûke fan 'e fjildmûzen (Arvicolini). Ta dit skaai hearre trije soarten dy't foarkomme yn hast hiel Jeropa en grutte parten fan noardlik Aazje. In fjirde soarte, de richardsonwettermûs, út westlik Noard-Amearika, waard foarhinne ek yn dit skaai pleatst, mar út ûndersyk hat bliken dien dat dy nauwer besibbe is mei it skaai fan 'e fjildmûzen (Microtus). De wetterrotten libje, nettsjinsteande har namme, sawol yn it wetter as op drûch lân. Se weagje oant 250 g. It binne bisten mei in tsjûke pels en in hierrige franje tusken de teannen, dy't deselde funksje ferfollet as swimfluezzen by oare soarten.

Wetterrotten
In (noardlike) wetterrôt.
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	kjifdieren (Rodentia)
ûnderskift:	mûzen en jerboä's (Myomorpha)
boppefamylje:	mûzen en rotten (Muroidea)
famylje:	wrotmûseftigen (Cricetidae)
ûnderfamylje:	wrotmûzen (Arvicolinae)
tûke:	fjildmûzen (Arvicolini)
skaai:	wetterrotten (Arvicola)
Lacépède, 1799

Soarten

skaai wetterrotten (Arvicola) berchwetterrôt (Arvicola scherman) súdlike wetterrôt (Arvicola sapidus) wetterrôt of noardlike wetterrôt (Arvicola amphibius, foarhinne Arvicola terrestris)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: Footnotes en References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Arvicola fan Wikimedia Commons.