[[Ofbyld:el-nino.gif|thumb|400px|''Kaart fan ôfwikende wettertemperatuer [°C] yn de oseanen by de lêste sterke El Niño yn desimber 1997]]
By'''El Niño''' is in natoerferskynsel by de [[evener]] yn de eastlike [[Grutte Oseaan]] lâns komt yn de rin fan guon jierren in sterke opwaarming fan it normaal koele seewetter foar, dy't fan ynfloed is op it waar yn grutte stikken fan de wrâld, wêrûnder bytiden ek [[Europa]]. It ferskynsel ûntstiet iens yn de safolle jierren troch in sterke opwaarming fan it normaal koele seewetter. Dat ferskynsel wurdt '''El Niño''' (''De Lytse Jonge'', referearjend oan it 'Krystbern', omt dit fenomeen him benammen yn dy perioade foardocht)<ref>http://en.wiktionary.org/wiki/El_Niño|wiktionary - El Niño</ref> neamd, in benaaming dy't fiskers yn [[Perû]] jûn hawwe. Eigentlik bedoele se dêrmei it waarme wetter dat hieltiten yn jannewaris foar de kust fan Perû ferskynt en dat dêr in ein makket oan it fiskseizoen. Ungeregeld, mar dochs gemiddeldtrochstrings iens yn de trije oant sân jier, liedt El Niño ta sa't grutte en sterke ferwaarming fan it oseaanwetter dat de heule [[atmosfear]] dêr noch lange tiid troch beynfloede wurdt.
[[La Niña]] is fysysk sjoen it tsjinstelde effekt. Dit docht him foar as ûngewoan kâld seewetter by de Evener mjitten is. Dizze golfstream berikt net Perû mar it Karibysk gebiet. Eartiids waard dit effekt ek wol it '''Anti-Niño'''-effekt neamd mar dat is feroare omdat it as anty-kristlik opfetten wurde kin. El Niño en La Niña bine beide tekens fan it '''El Niño - Southern Oscillation'''- of '''ENSO'''-effekt.
