Édouard-Henri Avril

Édouard-Henri Avril (Algiers, 21 maaie 1849 – Le Raincy, 1928) wie in Frânsk skilder/grafysk keunstner dy't ferneamd waard ûnder it pseudonym Paul Avril as yllustrator fan eroatyske literatuer.

Biografy bewurkje seksje

Avril wie ynearsten militêr, mar ferdjippe him letter yn de keunst. Hy besocht ferskillende Paryske salons nei 1878. Fan 1874 oant 1878 studearre er oan de École des Beaux Arts. Doe't him frege waard de novelle Fortunio fan Théophile Gautier te yllustrearjen keas er de skûlnamme Paul Avril. Dêrom wurdt er wolris troch elkoar helle mei syn broer Paul Victor Avril. Avril syn namme krige rillegau klank en hy krige in protte yllustraasjeopdrachten foar boeken fan ferneamde skriuwers. Hy makke ek geregeldwei wurk dat ta de 'galante literatuer' rekkene wurdt. Dy eroatyske geskriften waarden yn lytse oplagen, faak op abonnemintsbasis, oan sammelers ferkocht.

Avril yllustrearre ûnder oaren:

Gustave Flaubert - Salammbô;
Théophile Gautier - Le Roi Caundale;
John Cleland - Fanny Hill;
Jean Baptiste Louvet de Couvray - Les aventures du Chevalier de Faublas;
Mario Uchard - Mon Oncle Barbassou;
Jules Michelet - La Femme;
Hector France - Musque, hashish et sang;
Pietro Aretino - Sonetti lussuriosi;
Alfred de Musset - Gamiani (skriuwer is soms striderij oer).
Octave Uzanne - mear as ien wurken

De yllustraasjes dy't er makke foar Friedrich Karl Forberg, De Figuris Veneris. Manuel d’érotologie classique (1906; fertaling út it Latyn yn it Frânsk), wurde as syn bêste wurk beskôge.

Galery bewurkje seksje

Les Sonnetts Luxurieux (1892) fan Pietro Aretino
yllustraasje foar De Figuris Veneris
Histoire de Saturnin 1908
yllustraasje foar Fanny Hill: "Les charmes de Fanny exposés"
yllustraasje foar Fanny Hill: "Fanny emboldens William"
yllustraasje foar Fanny Hill: Fanny leit de swipe oer Mr. Barville
Misjonaris posysje

Keppelings om utens bewurkje seksje

Fotogalerij

Ofbylden dy't by dit ûnderwerp hearre, binne te finen yn de kategory Édouard-Henri Avril fan Wikimedia Commons.