Wikipedy oerlis:Ynfoboks

oerlis kategory:ynfoboks

@RomkeHoekstra: Goeie. Binne jo jo bewust fan it bestean fan 'e ynfoboks Berjocht:Archeologysk plak? It liket my ta dat de beide boksen frijwol gelyk binne. As jo by de besteande ynfoboks dêr lemma's misse, kinne dy der sûnder beswier tusken skood wurde. Ieneach fan 'e Esk (oerlis) 4 sep 2024, 22.04 (CEST)

@Ieneach fan 'e Esk: Nee dêr wie ik net mei op 'e hichte. Ik ha earst by de Kategory:Ynfoboks sjoen, mar Berjocht:Archeologysk plak kaam dêr net foar. It wurdt dan lestich sykjen (de iene set der 'ynfoboks' foar, de oare wer net en dan binne der ek noch staveringsferskillen. Ik sjoch der moarn eefkes nei, ik hie krekt in lemma ôfsletten en doe seach ik jo berjocht.--RomkeHoekstra (oerlis) 4 sep 2024, 22.20 (CEST)

@RomkeHoekstra: Dêr hawwe jo gelyk oan, dat it wat dreech te sykjen is. Mar op Wikipedy:Ynfoboks haw ik de list op alfabet set troch it al of net tafoege "Ynfoboks" te negearjen. Wat de staveringskwestje oangiet: de FA propagearret no de stavering mei ch, wylst de âldere wurdboeken de stavering mei de g jouwe. Persoanlik haw ik dat lêste leaver, want ik haw argeology, argeolooch, ensfh. altyd útsprutsen mei de hurde g fan "goed". Ieneach fan 'e Esk (oerlis) 4 sep 2024, 22.25 (CEST)

P.S.: Dûbel wurk is altyd ferfelend. Ik haw de lemma's út jo nije boks, dy't noch net yn 'e besteande boks stiene, alfêst yn 'e besteande boks ynpast. Ik haw it ek yn my omgean litten om 'e besteande boks yn jo side oer Salamis (Syprus) te setten, mar dat liek my wat te frijpostich. Jo moatte der sels mar ris even nei sjen oft it jo goedkarring sa weidrage kin. Ieneach fan 'e Esk (oerlis) 4 sep 2024, 23.24 (CEST)

@Ieneach fan 'e Esk:Ik ha niis sjoen op Wikipedy:Ynfoboks en sjoch no dat der folle mear ynfoboksen binne as ik tocht (lykas in ynfoboks foar in ûndersoarte fan in bist (dêr't ik fan 'e wike mei it skriuwen oer de Syprioatyske moeflon ek al wat mei oan wie). Ik nim oan dat der gjin spesifike reden is om der gjin kategory by te setten, dus as jo it goed fine foegje ik de kategory:ynfoboks by de ûntbrekkende ynfoboksen ta. Faaks bin ik net de iennige dy't sa siket en as jo net witte dat der ek in list bestiet, sykje jo der ek net om.--RomkeHoekstra (oerlis) 5 sep 2024, 09.39 (CEST)

@RomkeHoekstra: De reden dat ik nea kategoryen oan ynfoboksen tafoegje, is dat ik dêr ris in probleem mei hân haw. Alle siden dêr't dy ynfoboks op brûkt waard, kamen doe yn dy ynfobokskategory en ik krige it net foarinoar om dat te feroarjen behalven troch de kategory by de ynfoboks te wiskjen. Ik wit net wêr't dat oan lein hat, mar tink dêr asjebleaft wol eefkes om as jo kategoryen oan ynfoboks-siden tafoegje. Ieneach fan 'e Esk (oerlis) 5 sep 2024, 20.48 (CEST)

@Ieneach fan 'e Esk: Ek apart. Ik doch der earst in pear en wachtsje dan eefkes in dei ôf oft soks wer bart.--RomkeHoekstra (oerlis) 5 sep 2024, 21.18 (CEST)

@RomkeHoekstra: Ik tink dat it te krijen hat mei dy <noinclude> en </noinclude> ûnderoan. Ik haw de yndruk dat dat net altyd wurket, mar miskien begryp ik gewoan net hielendal hoe't it wurkje moat en brûk ik it ferkeard. It kin samar wêze dat jo dêr mear doel oer hawwe as ik, mar it is yn elts gefal in oandachtspunt. Ieneach fan 'e Esk (oerlis) 5 sep 2024, 21.48 (CEST)

@Ieneach fan 'e Esk: Ik ha it petear eefkes hjir hinne ferhûze om't it hjir better te plak is. De letters A, B en E fan 'e ynfoboksen op 'e list ha ik yntusken eefkes neirûn en werfan't de kategory ôfwêzich wie, ha 'k dy oanfolle. It sjoch op dit stuit gjin problemen en lykas juster ôfpraat, kontrolearje ik moarn noch eefkes as alles noch goed stiet om dan fierder te gean. Allinne rin ik der wol tsjin oan dat de ynfoboksen dy't jo oanmeitsje, befeilige wurde. Dêr koe ik dus ek gjin kategory tafoegje. Wat jo reden is om de ynfoboksen bouwurk, finzenis, ferdivedaasjepark, sikehûs en muntienheid te befeiligjen wit ik net. It lykje my gjin saken dy't gefoeliger foar fandalisme binne as de oare ynfoboksen. As reden dat ik de side net bewurkje kin wurdt opjûn dat de side befeilige is en bewurkjen net mooglik is. Dêr wurd ik dus neat wizer fan en dat fyn ik wol wat spitich. Ik kin bêst begripe dat soks somtiden nedich is en bin ek net ien dy't graach yn in oar syn wurk omgriemt, mar ik fyn oan 'e oare kant wol dat alles leafst sa iepen mooglik en tagonklik bliuwe moat foar oare gebrûkers. En dat der by in slot in dúdlike reden opjûn wurdt. RomkeHoekstra (oerlis) 6 sep 2024, 10.43 (CEST)

@RomkeHoekstra: Ja, dat is ek wol wat dom fan my, want ik hie wol begripe kinnen, dat jo dêr tsjinoan rinne soene. Myn reden foar it ferskoatteljen fan ynfoboksen is poer previntyf. Ik fyn dat Jan en alleman dêr net by hoege te kinnen. Mar dat jo dan ek bûtensletten wurde, is eins net de bedoeling. Ik haw miskien in jier lyn ûntdutsen dat der ek in opsje is om autobefêstige meidoggers ta te litten mar anonimen net. Dat moat fansels de manier wêze om 'e ynfoboksen te skoatteljen. Spitigernôch datearje hast alle ynfoboksen fan langer lyn en steane se op 'e opsje "allinnich behearders". Ik sil dêr aansten even mei oan 'e gong, want jo hawwe gelyk, dat moat oars. Ieneach fan 'e Esk (oerlis) 6 sep 2024, 21.35 (CEST)

P.S.: Ik haw de hiele list op Wikipedy:Ynfoboks bylâns west en ik haw de beskoatteling fan "allinnich behearders" feroare yn "allinnich autobefêstige meidoggers". Ik tocht dat ik se allegearre hân haw, en foar myn eigen ynfoboksen is dat grif wier, mar ik bin ek in stikmannich beskoattele ynfoboksen fan Kening Aldgilles tsjinkommen. Mochten jo ûnferhoopt noch in ynfoboks tsjinkomme dy't foar jo beskoattele is, jou dan even in gil, dan feroarje ik dat. Ieneach fan 'e Esk (oerlis) 6 sep 2024, 22.59 (CEST)

Ik siet nyskreksa nochris te sjen en no stiene der wol twa siden by fan ûnderwerpen dêr't de ynfoboks op tapast wurdt. It giet om de ynfoboksen Berjocht:Ynfoboks romtefeartmissy en Berjocht:Universele ynfoboks planeet. Beide ynfoboksen wurde mar by ien artikel tapast, resp. Apollo 11 en Saturnus. Dat wiene ek iennige ynfoboksen fan de ynfoboksen dy't ik hjoed bewurke ha mei in befeiliging (nammentlik allinne tagonklik foar registrearre meidoggers). Om 't jo ynfoboksen ek in befeiliging ha en jo datselde hiene, soe it dêr miskien mei te meitsjen ha kinne. By de ynfoboks foar de planeet sit alles der foar safier ik neisjen kin fierder goed yn, by de romtefeartmissy soe it noch te meitsjen ha kinne mei <noinclude> en </noinclude>. Miskien moat de beheinde befeiliging der by dizze twa eefkes ôf om te sjen wat der dan bart, dan witte wy yn alle gefallen dat it dêr wol of net oan leit. Oars ferwiderje ik moarn de kategoryën by dy twa ynfoboksen. Ik wachtsje earst jo reaksje eefkes ôf foardat ik fierder gean.--RomkeHoekstra (oerlis) 6 sep 2024, 19.44 (CEST)

@RomkeHoekstra: Ik haw der even nei sjoen, mar by beide boksen siet dúdlik in fout: foar de kategory moat <noinclude> stean en nei de kategory </noinclude>. Oars wurdt de kategory as ûnderdiel fan 'e ynfoboks sjoen en komme alle siden mei de ynfoboks ek yn 'e kategory fan 'e ynfoboks. Safier begryp ik it al, mar myn ûnderfining is dat <noinclude> ek net altyd wurket. Hoe dan ek, ik haw <noinclude> en </noinclude> der by romtefeartmissy en planeet yn set en yn 'e artikels fan Apollo 11 en Saturnus sjoch ik no ûnderoan de side net mear de kategory:Ynfoboks stean. Yn dy kategory steane dy beide artikels lykwols noch altyd yn 'e list. Mar ris even ôfwachtsje oft se dêr moarn weiwurden binne.--RomkeHoekstra (oerlis) 7 sep 2024, 11.11 (CEST) Ieneach fan 'e Esk (oerlis) 6 sep 2024, 21.47 (CEST)

@Ieneach fan 'e Esk: Tank foar jo meiwurking. Ik doch it ynearsten rêstich oan want ik seach dat no ek de keppele siden fan Berjocht:Ynfoboks spul der by set binne en sa hâlde wy faaks wat better sicht op wat der mis giet. Wol nuver dat der hieltiten sa'n tiid tusken sit. Ik ha dy ynfoboks oanpast en hopelik ferdwine de keppele artikels oer de spullen dan ek wer. Ik wie oant de Frije tiid ta en ha dy ynfoboksen fan jo no ek tafoege. Dy sille wol gjin problemen jaan. Ik wachtsje wer eefkes ôf hoe't it giet en sjoch moarn of oaremoarn wol fierder.--RomkeHoekstra (oerlis) 7 sep 2024, 11.11 (CEST) Yntusken binne de spullen fuort, no noch twa fideospullen, wêrfan't ik tocht dat dy by de spullen hearde. Ik pas ek Berjocht:Ynfoboks fideospul oan, en ik hoopje - as dy twa fuort binne - dat dan de rest der wol efteroan kinne--RomkeHoekstra (oerlis) 7 sep 2024, 13.35 (CEST)

@RomkeHoekstra: Ik sjoch dat Apollo 11 en Saturnus no ek út dy ynfobokskategory weiwurden binne, dus it giet de goede kant út. Likemin as jo begryp ik wêrom't dêr hieltyd sa'n skoft wachttiid tusken sit foar't dy kategory op feroarings op 'e ynfobokssiden reägearret. Temear om't 'gewoane' kategoryen foar ynhâldlike artikels wol fuortendaliks reägearje. Ik haw der nochris oer neitocht en ik leau fêst dat dit itselde probleem is dat ik earder ûnderfûn haw: wol <noinclude> en </noinclude> om 'e kategory hinne sette, mar it duorret hast in dei foar't de siden dan út 'e kategory ferdwine. Ik tocht doe dat dy <noinclude> en </noinclude> net wurken, mei't de siden wol daliks út 'e kategory ferdwine as jo by de oangeande ynfoboks de kategory hielendal fuorthelje.

Wat it tempo oangiet dêr't jo dizze kategorytafoeging yn útfiere wolle: dat is alhiel oan jo. Der is net ien dy't jo efter de broek sit, dus as jo deis fiif ynfoboksen dwaan wolle, dan is der neat te rêden. It wurk kom úteinlik wol ôf. De lange list op Wikipedy:Ynfoboks is trouwens wat ferrifeljend, want om't it yndield is neffens ûnderwerp steane guon ynfoboksen der twa of trije kear yn. Sa stiet de ynfoboks foar tsjerkegebouwen sawol by de gebouwen as by godstsjinst. It wie myn bedoeling dêrmei om it sykjen sa maklik mooglik te meitsjen. Ieneach fan 'e Esk (oerlis) 7 sep 2024, 20.44 (CEST)

@RomkeHoekstra: It wurket noch net 100%, Romke. It probleem dêr't ik no tsjinoan rin, is dat der om 'e tapassingsseksje (de útlis) hinne al faak <noinclude> / </noinclude> stiet. As jo dan om 'e kategory hinne dat nochris sette, krije alle siden dêr't de ynfoboks op brûkt wurdt, in oerstallige wytregel boppe-oan. Dus: ien kear <noinclude> / </noinclude> brûke. As dat der al stiet, moat de kategory dêrby yn, krekt foar de </noinclude>. Ieneach fan 'e Esk (oerlis) 8 sep 2024, 22.22 (CEST)

@Ieneach fan 'e Esk: Ik sil der rekken mei hâlde. Jo ha de betreffende ynfoboksen sels al bywurke seach ik.--RomkeHoekstra (oerlis) 9 sep 2024, 07.06 (CEST)

@RomkeHoekstra: O ja, dat hie ik even sizze moatten. Sorry. Ja, ik haw de hiele boel mar even neirûn, dan wie it mar wer klear. Ieneach fan 'e Esk (oerlis) 9 sep 2024, 20.48 (CEST)

@Ieneach fan 'e Esk: Neffens my giet it no goed. Ik krij it leau'k foar it snotsje. It giet net hurd want ik kontrolearje hieltiten en doch de taalkeppelings ek (want ik seach ek dat der hast gjin ynfoboks dy't keppele is) en fierder besykje ik de kategoryën wat te skikken neffens ûnderwerp. Jo ha yn alle gefallen noch twa sport kategoryën dy't noch net tagonklik binne: Berjocht:Universele ynfoboks sport sport en Berjocht:Ynfoboks Sportklub2.--RomkeHoekstra (oerlis) 9 sep 2024, 20.56 (CEST)

@RomkeHoekstra: Ik haw de befeilinging op dy beide ynfoboksen oanpast. Ieneach fan 'e Esk (oerlis) 9 sep 2024, 21.05 (CEST)

@RomkeHoekstra: Moai, trouwens, dat jo dy putsjes even oanpakke. Goed wurk. Ieneach fan 'e Esk (oerlis) 9 sep 2024, 21.20 (CEST)

@Ieneach fan 'e Esk en Kneppelfreed: Ik ha de ynfoboksen no kategorisearre en ynearsten safolle mooglik ûnderbrocht by kategoryën om sa mear oersicht te krijen. Ik moat noch eefkes de saak neirinne en de lêste dinkjes dwaan, mar dêr begjin ik jûn of moarn wol mei. Der is mear dûbel wurk dien want der binne meardere ynfoboksen fan itselde, mar dat is fan lettere soarch en dat kin neffens my sa earst wol. Der is bygelyks in Berjocht:Ynfoboks lokaasje en in Berjocht:lokaasjeboks dy't beide itselde binne. As der mar in pear keppelingen by de iene binne is it faaks wol sa handich om se te ferfangen troch de ynfoboks dy't folle mear brûkt wurdt, sadat der ien út kin en oars by ien fan 'e ynfoboksen dy't it minst brûkt wurdt in fersyk te setten om dy net mear te brûken. Ik soe om de ynfoboksen dúdlik te ûnderskieden fan oare berjochten útstelle wolle om de nammen safolle mooglik unifoarm te hâlden: dêrfoar is it nedich dat der in oantal ynfoboksen omneamd wurde moatte. Net ynhâldlik fansels, allinne de titel en wol sa: Berjocht:Ynfoboks IPA. Sa soe Berjocht:Sylboat dus Berjocht:Ynfoboks Sylboat wurde moatte. Dat siket fanút de balke makliker as it begjin fan alle ynfoboksen oeral gelyk is en it jout in better oersicht. Ek is it dan fuort dúdlik dat it om in ynfoboks giet. Wat ik wol moai fine soe is dat der skielk foar de begjinners ek in tapassing komt by de ynboksen dy't in soad brûkt wurde, want dy mist noch al ris (somtiden is der in ferwizing nei de keppeling, mar somtiden ûntbrekt ek dat noch). Ik tink dat it ek goed is dat wy nei de rest fan 'e berjochten sjogge. Dêr falt tink ek wol wat te ferbetterjen (ik ha it fansels net oer de ynhâld fan 'e berjochten, mar oer de nammen fan 'e berjochten en hoe't it yndield is). Graach hear ik eefkes wat jo dêrfan tinke (ik doch dit berjocht ek eefkes nei Kneppelfreed want hy is ek altiten tige aktyf mei de berjochten en wy ha it der okkerdeis ek al ris eefkes oer hân werom as it ien sus en oare sa is).--RomkeHoekstra (oerlis) 11 sep 2024, 12.02 (CEST)

Ik nim oan dat it handich wie as alle ynfoboksen op deselde manier neamd binne. It betsjut foar no dat der wat wurk oan sit, mar dêrnei is it foar altiten wis hoe at eat neamd wurde moat. (En wat oars: As it optimum fan in list sân yngongen is, dat binne guon hjir sa grut dat der wol wat ûnderlisten yn meie.) Mysha (oerlis) 11 sep 2024, 15.38 (CEST)

@RomkeHoekstra, @Ieneach fan 'e Esk tige tank Romke dat jo my hjir ek eefkes by belûke. Ja ik bin it mei jo iens dat ús berjochten wat in rommeltsje is wat de nammen oanbelanget. Alle berjochten mei ynfoboksen soene it wurd "ynfoboks" dêr yn hawwe moatte. Allyk mei de navigaasjebalken dy soene it wurd "navigaasje" dêr yn hawwe moatte. Dus bygelyks it Berjocht:GemeentenFryslân soe "Berjocht:Navigaasje Gemeenten Fryslân" wurde moatte, en ja se hoege net oaninoar fêst skreaun te wurden. En ik bin dêr oars ek wol foar om dat te feroarjen, want it wurket folle oersichtliker en profesjoneler. Dêr sil lykwols alin bealchfol wurk ynsitte, want op alle siden dêr't dy oanbelangjende berjochten yn brûkt wurde, moat dat ek allegear feroare wurde. Ik wol dêr wol graach oan meihelpe, dochs ik haw de lêste tiden in soad dingen by de ein bûten d ewikipedy, dy't wat wichtiger binne. Ik hoopje meikoarten mear tiid oan de wikipedy te hawwe, want ik moat ek noch mear mei de siden oer Fryske doarpen oan 'e gong, want dat bliuwt dêr ek wat by, ek mear om't it wat putsjewurk is. Kneppelfreed (oerlis) 11 sep 2024, 20.26 (CEST)

@RomkeHoekstra en Kneppelfreed: Lit ik earst sizze dat ik it tige wurdearje wat jo de lêst dagen út 'e wei set hawwe, Romke. Tankjewol.

Wat jo idee oangiet om 'e nammen fan 'e ynfoboksen te standerdisearjen: dêr bin ik net poer op tsjin of sa, en as jo dat dwaan wolle, dan sil jo net yn it paad stean. Mar earlik sein steurt it my ek net sa't it no is. Alles funksjonearret en it ferskil yn nammejouwing is foar de lêzer fan 'e Wikipedy net te sjen. En no binne der twa mooglikheden om 'e ynfoboks te sykjen dêr't je ferlet fan hawwe: fia de list op Wikipedy:Ynfoboks en fia de kategorybeam dy't jo no opsetten hawwe. As minsken it spul no noch net fine kinne, dan binne se hjir nij of se sykje net goed. Boppedat kinne se ek altyd noch in fraach stelle oan 'e behearders. Ik wit seker dat ik ek foar Kneppelfreed en Drewes sprek as ik sis dat we sokken graach even it paad wize.

Jo sizze ek dat jo "dûbel wurk" tsjinkommen binne en stelle foar om minder brûkte ynfoboksen fuort te smiten en te ferfangen troch guon dy't mear brûkt wurde. Hmm. Dêr bin ik it net alhiel mei iens. Ik fyn dat in ynfoboks by de lay-out fan in artikel heart en dat it alle meidoggers frij stiet om sels in nije ynfoboks te ûntwerpen as de besteande him of har net oanstiet. Jo jouwe hjirboppe trouwens in ferkeard foarbyld, want Berjocht:Lokaasjeboks is in ynfoboks foar plakken, wylst Berjocht:Ynfoboks lokaasje poer en allinne ûntwurpen is foar in posysjekaart en ek gjin romte hat foar oare ynformaasje. In better foarbyld is dêrom Berjocht:Lokaasjeboks en Berjocht:Ynfoboks stêd, dy binne frijwol identyk nei myn tinken.

No bin ik net prinsipieel tsjin it ferfangen fan ynfoboksen as der wat mei de besteande ynfoboks is. Ik haw yn it earste healjier fan fan dit jier bgl. in soad tiid stutsen yn it ferfangen fan in ynfoboks foar seeën dy't in hiel soad brûkt waard, omdat dy net goed funksjonearre. Ik hie dy boks wol reparearje kinnen, mar dan hie ik likegoed al dy artikels by del moatten om 'e boel rjocht te breidzjen, dat it liek my de koartste klap om him mar te ferfangen troch ien dy't wól goed wurke. Fierders binne der ek noch in stikmannich ynfoboksen út 'e begjintiid fan 'e Wikipedy yn gebrûk dy't kwa lay-out sa efter de tiid rekke binne dat se nei myn miening nedich oan ferfanging ta binne. Berjocht:Doarpstabel bygelyks, mei dat lilke rasterwurk fan binnen yn 'e ynfoboks. Dêrom wie ik der ek in waarm foarstanner fan doe't jo, Romke, en jo, Kneppelfreed, by in grut tal Fryske doarpen dy ynfoboks ferfongen hawwe troch Berjocht:Universele ynfoboks stêd.

Mar ik fyn, we moatte gjin regels meitsje dêr't se net nedich binne. Dus as immen in ynfoboks oanmeitsje wol foar in ûnderwerp dêr't al in ynfoboks foar bestiet, dan soe ik tsjin sa'n meidogger sizze: Fiel jo frij. Salang't de ynfoboks goed funksjonearret, liket my dêr neat op tsjin. Ieneach fan 'e Esk (oerlis) 11 sep 2024, 21.12 (CEST)

@Ieneach fan 'e Esk, Kneppelfreed, en Mysha: Goed, dan stel ik út dat ik yn alle gefallen noch de nammen fan 'e ynfoboksen oanpas, sadat alle ynfoboksen op 'e selde wize neamd wurde. Dêr is nimmen dus op tsjin en it hat foar de ynhâld fierder gjin gefolch. Wol soe ik it moai fine as by alle nije ynfoboksen tenei in tapassing stiet. Der kin neat op tsjin wêze om it foar oaren sa gebrûksfreonlik mooglik te meitsjen. In ferwizing nei in keppele side fyn ik sels net echt moai en as de ynfoboks letter nochris in pear kear oanpast wurdt, rinne jo it gefaar dat in meidogger troch de ferwizing by in âldere ferzje fan 'e ynfoboks telâne komt. It giet my net om regels, it giet my der om dat alles sa oersichtlik en tagonklik mooglik is. It is my (en dan hâld ik it eefkes by my sels) wol bard dat ik my de pleuris socht om wat en dat ik dochs noch freegje moast. Fansels wol elk wol helpe, mar leaver rêd ik mysels en ik tink dat soks foar de measten jildt. De oanlieding om de saak goed nei te sjen wie it oanmeitsjen fan in ynfoboks dy't al bestie om't de besteande ynfoboks net fûn waard.

Wat de berjochten oanbelanget pleitsje ik der net foar om de berjochten sels oan te passen, dat is tefolle wurk, mar wol om de kategoryën allegear op 'e selde wize te neamen. En dan wol sa: Kategory:Berjocht:Sydbalke (wy brûke by oare kategoryën ek it inkeldtal). No is it by de iene sûnder, by de oare mei dûbele punt. De iene kategory hat it oer Berjocht, de oare oer Berjochten. En dan is dizze der ek noch: Kategory:Ynfoboks Spoarwegen Berjochten opmaak spoarlinetabel (dy stie by de ynfoboksen). Ek hjir is in sekere unifoarmiteit nedich en dat kinne wy no noch sûnder al tefolle ynspanningen oanpasse om't der noch net in soad kategoryën by de berjochten binne. As der in standaardisaasje is, passe minsken harren gauer oan en jout dat minder oanlieding om sels mar wat jo gong te gean.--RomkeHoekstra (oerlis) 11 sep 2024, 23.06 (CEST)

@RomkeHoekstra en Kneppelfreed: Bêst genôch, touché, sa't se yn it Frânsk sizze. Jo hawwe hjir op ferskillende punten wol gelyk (gebrûksfreonlikheid, dat elts leaver himsels rêdt as oaren lestich is, dat de oanlieding foar it hiele spul al wie dat der by fersin in dûbele ynfoboks oanmakke waard). Unifoarme nammejouwing oan kategoryen haw ik altiten al flak foar west, dus wat dat oangiet preekje jo foar de tsjerkerie. Wat de Kategory:Ynfoboks Spoarwegen Berjochten opmaak spoarlinetabel oangiet, dat kin ik wol útlizze, dy hie Meidogger:FreyaSport yn 'e kategory:Ynboboks spoarwegen set om't dêr allegear berjochten yn steane dy't yn dy ynfoboks brûkt wurde moatte. Dus hoewol't it sels gjin ynfoboks is, hat it der wol deeglik mei te krijen. Ieneach fan 'e Esk (oerlis) 12 sep 2024, 20.52 (CEST)

@RomkeHoekstra @Kneppelfreed, @Ieneach fan 'e Esk Dat kloppet, mar as jimme dêr in bettere kategory foar witte dan fiel jimme frij om it spúl yn in oare kategory te setten. FreyaSport (oerlis) 12 sep 2024, 20.57 (CEST)

@Ieneach fan 'e Esk, Kneppelfreed, Mysha, en FreyaSport:: Ik tink noch eefkes nei hoe't dat mei de berjochten gean moat. En as ik it foar my sels wat foar de geast ha, dan hearre jimme it wol. Faaks hat Kneppelfreed hjir ek noch wol wat oer te sizzen. Ik wol de útfiering wol dwaan, mar as ik der oan ta bin iepenje ik wol wer in oerlis mei jimme.--RomkeHoekstra (oerlis) 12 sep 2024, 21.44 (CEST)

@RomkeHoekstra: Ik haw de list op Wikipedy:Ynfoboks bywurke, en doe seach ik dat jo in stik as wat boksen fergetten wiene om te neamen. Dat ik haw it putsje mar even ôfmakke. De namme fan 'e boks hie by de tapassingsseksje (ynsafier't de omneamde ynfoboksen dy hiene) ek even feroare wurde moatten, oars wurde se yn 'e takomst dochs noch ûnder de âlde namme brûkt en hat it omneamen net folle sin. Dy ronfel haw ik ek glêdstrutsen. Ieneach fan 'e Esk (oerlis) 12 sep 2024, 22.51 (CEST)

Dei @RomkeHoekstra, @Ieneach fan 'e Esk, @FreyaSport en @Mysha, ja ik tink de navigaasjebalken ûnderoan moatte faaks in unifoarmere namme krije. Guon hawwe it wurd "navigaasje" dêryn en de measten net. It soe faaks fertuten dwaan dat dat ek even oanpakt wurdt. It hoecht fuortendaliks net en ik kin dêr fierders ek wol mei libje sa't it no is. Wat fine jimme dêrfan? Kneppelfreed (oerlis) 13 sep 2024, 19.13 (CEST)

@Ieneach fan 'e Esk:, oeps moai dat jo dat dan noch eefkes dien ha. Wol jo ek de ynfoboks fan 'e fuotballer dwaan, dêr sit nammentlik noch hieltiten in slot op.--RomkeHoekstra (oerlis) 13 sep 2024, 20.51 (CEST)

@RomkeHoekstra: Ik haw de befeiliging fan Berjocht:Ynfoboks fuotballer feroare yn allinnich foar autobefêstige meidoggers. Fierders hoecht dêr neat oan te gebeuren foar safier't ik sjen kin. Ieneach fan 'e Esk (oerlis) 13 sep 2024, 23.27 (CEST)

@Ieneach fan 'e Esk, Kneppelfreed, Mysha, en FreyaSport: Ik ferhûzje in diel fan dit oerlis no ek nei Berjochten om 't it dêr no thús heart.--RomkeHoekstra (oerlis) 13 sep 2024, 20.51 (CEST)

Ik lês dit as: It soe no hjir stean moatte: Wikipedy oerlis:Berjochten. Mysha (oerlis) 16 sep 2024, 09.16 (CEST)

Even yn 'e list sette

@RomkeHoekstra: Goeie. As jo in nije ynfoboks oanmeitsje, lykas jo hjoed dien hawwe foar brêgen, dêr haw ik neat op tsjin. Mar dan moatte jo dy wol even yn dizze list sette, oars rekket dy wer efter de tiid en dan kin net ien jo ynfoboks aansten fine. Ieneach fan 'e Esk (oerlis) 21 nov 2024, 18.37 (CET)

@Ieneach fan 'e Esk::Goed dat jo it eefkes sizze. Ik brûk dy list nea en dan wol dat maklik fergetten wurde.--RomkeHoekstra (oerlis) 21 nov 2024, 18.51 (CET) Ik soe him der by sette, mar seach dat jo dat sels al dien ha.--RomkeHoekstra (oerlis) 21 nov 2024, 18.54 (CET)

@RomkeHoekstra: Ja, nee sa'n grut probleem wie it net, mar ik tink, ik sil it al even sizze. Ieneach fan 'e Esk (oerlis) 21 nov 2024, 18.59 (CET)