Winningen

Winningen is in plak en gemeente yn 'e lânkring Mayen-Koblenz yn 'e Dútske dielsteat Rynlân-Palts. It plak heart by de ferbânsgemeente Rhein-Mosel, dat fanút Kobern-Gondorf wurdt bestjoerd. Winningen is in troch de dielsteat erkend toeristysk sintrum.

Winningen
De protestânske tsjerke.
Emblemen
Bestjoer
Lân	Dútslân
dielsteat	Rynlân-Palts
lânkring	Mayen-Koblenz
ferbânsgemeente	Rhein-Mosel
Sifers
Ynwennertal	2.447 (31.12.2023)
Oerflak	6.65 km²
Befolkingsticht.	368 ynw./km²
Hichte	79 m
Oar
Postkoade	56333
Koördinaten	50° 18' N 7° 31' E1
Offisjele webside
www.winningen.de
Kaart

Skiednis

Winningen yn 1838 (gravuere fan Anton Jahn).

Op 'e Winninger Berg binne de resten fan in Romeinsk hûs te sjen, mar archeologysk ûndersyk om de tsjerke hinne hat útwiisd dat Winningen al mear as 3000 jier bewenne wurdt.

Doe't yn 1551 de wynbou in tige rike rispinge joech, dielde de lienhear de oerfloed mei it folk troch in grut feestmiel. It waard it earste wynfeest fan Dútslan. It âldste wynfeest fan Dútslân wurdt oan 'e ein fan augustus en it begjin fan septimber fierd en duorret tsien dagen. Dêrmei is it ek it langste wynfeest oan 'e Mûzel.

Winningen is in protestânske enklave yn in fierders roomske omjouwing. Yn 1557 waard hjir troch de greven fan Sponheim de reformaasje ynfierd, dy't it hearskip oer Winningen troch ferervjen krige hiene. Sûnt is de tsjerke in protestânsk gebou. De tsjerke hat in romaanske toer, mar waard neitiid ferboud en ferhege. De katolike Martinustsjerke is in neoromaanske bou út 1852.

By de hekseferfolgingen waarden yn Winningen tusken 1630 en 1661 21 manlju en froulju ferbrând. Foar de slachtoffers stiet op 'e Hexenhügel, it plak dêr't de fan hekserij beskuldige lju terjochtsteld waarden, in ienfâldich monumint.

Tradisjoneel foarmet de wynbou yn Winningen in wichtich middel fan bestean. Benammen nei de Twadde Wrâldkriich ûntwikkelde it toerisme yn Winningen him ta in faktor fan betsjutting.

Persoanen

• August Horch (berne op 12 oktober 1868 yn Winningen; ferstoarn op 3 febrewaris 1951 yn Münchberg, Oberfranken); oprjochter fan 'e autofabriken Horch en Audi.

Boarnen, noaten en referinsjes

Boarnen, noaten en/as referinsjes:

Dizze side is foar in part in oersetting fan 'e Dútske Wikipedyside; sjoch foar de bewurkingsskiednis: [1] Commons Wikimedia Commons  Ofbylden dy't by dit ûnderwerp hearre, binne te finen yn de kategory Winningen fan Wikimedia Commons.