Indigenous Music Award
De Indigenous Music Awards ("Lânseigen Muzykprizen") binne in groep Kanadeeske prizen dy't op jierlikse basis útrikt wurde foar de as bêste beoardiele wurken op it mêd fan 'e muzyk fan lânseigen artysten yn Kanada. Dizze prizen hieten oarspronklik de Aboriginal Peoples' Choice Music Awards ("Muzykpublyksprizen fan 'e Lânseigen Folken") en waarden ûnder dy namme yn 2006 ynsteld. Om foar de Indigenous Music Awards yn oanmerking te kommen, moat men (behalven muzikant) fan Yndiaanske, Inûyt- of Mety-ôfstamming wêze.
| Indigenous Music Award | ||
| algemiene ynformaasje | ||
| hist. namme | Aboriginal Peoples' Choice Music Award | |
| nasjonaliteit |  Kanadeesk
| |
| útrikt foar | bêste muzyk troch lânseigen artysten | |
| frekwinsje | 1x jiers | |
| datum | mids maaie | |
| plak | Winnipeg (Manitoba) | |
| 1e útrikking | 2006 | |
| offisjele webside | ||
| www.indigenousmusicawards.com | ||
De útrikkingsseremoanje fan 'e Indigenous Music Awards fynt elts jier plak mids maaie yn Winnipeg, yn 'e Kanadeeske provinsje Manitoba. De prizen wurde subsidiëarre troch it Ministearje fan Kanadeesk Erfskip fia de Canadian Online Strategy. De útrikking wurdt elts jier live útstjoerd op it Aboriginals Peoples Television Network. Yn 2014 wie Iceis Rain de earste iepentlike twigeast dy't optrede mocht ûnder de útrikkingsseremoanje.
Keppelings om utens bewurkje seksje
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |