Agnes fan Assisi

Agnes fan Assisi (Assisi, Itaalje, 1197 of 1198 - San Damiano by Assisi, 16 novimber 1253) wie in non en de jongere suster fan de hillige Klara fan Assisi. Paus Benediktus XIV ferklearre Agnes yn 1753 hillich.

Agnes fan Assisi
Christian cross.svg   hillige
AgneseAssisi.jpg
persoanlike bysûnderheden
bertedatum 1193 of 1194
berteplak Assisi
stjerdatum 16 novimber 1253
stjerplak Assisi
hillichferklearring
fereare troch Roomsk-Katolike Tsjerke
hjeldei 16 novimber

LibbenBewurkje

Agnes stamme út de rike Italjaanske famylje fan de Offreducci yn Assisi. Yn april 1212 folge hja har suster Klara nei it kleaster San Damiano, dy't sechtjin dagen earder dêr in nonnenmienskip stifte hie.

 
De oankomst fan agnes yn it kleaster (António de Oliveira Bernardes, 1697)

De famylje wie it net iens mei dy stap en besocht har dêr wei te krijen troch har omke Monaldo mei wapene ridders nei it kleaster te stjoeren. Hja soene Agnes twinge mei werom nei hûs te gean, mar dat mislearre. Neffens de oerlevering soe it swurd, wêrmei't Monaldo Agnes drige, wegere ha tsjinst te dwaan. Doe't de ridders besochten Agnes út it kleaster te lûken soe har lichem sa swier woarn wêze, dat it allegear om 'e nocht wie.

Likernôch om it jier 1220 (of 1221) naam hja op fersyk fan Fransiskus fan Assisi de lieding fan it kleaster fan Monticelli yn 'e omkriten fan Florâns. Ut Monticelli wei stifte Agnes ferskillende kleasters, lykas yn Mantua, Feneesje en Padua.

Yn 1253 kaam Agnes werom nei San Damiano om har suster Klara op it stjerbêd by te stean. Op 11 augustus fan dat jier ferstoar Klara. Net lang dêrnei ferstoar ek Agnes. Hja waard begroeven yn de Sint-Joaristsjerke fan Assisi.

FeestdeiBewurkje