San Damiano

San Damiano is de namme fan in tsjerke en in earder kleaster yn Assisi, Itaalje. It plak spile in grutte rol yn it libben fan de hillige Fransiskus en Sint-Klara en foarmet hjoeddedei mei de oare oantinkens fan de twa hilligen yn Assisi in wichtich beafeartsplak.

San Damiano
bouwurk
San Damiano Church in Assisi, Italy.jpg
lokaasje
lân Flag of Italy.svg Itaalje
regio Flag of Umbria.svg Umbrje
provinsje Perugia
plak Assisi
bysûnderheden
boujier 12e iuw
boustyl Romaanske arsjitektuer

LokaasjeBewurkje

San Damiano leit likernôch 20 minuten te gean ûnder Assisi tusken fjild en olivebeammen.

 
De kleastergebouwen fan San Damiano

BetsjuttingBewurkje

Nei de dea fan Fransiskus fan Assisi waarden de measte tsjerken fan Assisi moaier makke. Yn it gefal fan Portiuncula, de kapel dêr't Fransiskus ferstoar, folge de bou fan de ûnbige Santa Maria degli Angeli. San Damiano is mei Eremo delle Carceri lykwols in útsûndering en bleau foar it measte oarspronklik. Op dy twa plakken kinne minsken dy't in beafeart meitsje nei Assisi noch it bêste in foarstelling meitsje hoe't Fransiskus libbe hat: ienfâldich, yn iensumens en mei de natoer ferbûn.

Fizioen fan FransiskusBewurkje

 
Kleastergong

Yn de tiid fan Fransiskus wie San Damiano in kapel dy't net mear brûkt waard. Foar in diel wie de kapel al troch boeren, dy't de stiennen wol brûke koene, al ôfbrutsen. Neffen de oerlevering hearde Fransiskus yn 1205 it noch besteande krús yn de kapel sizzen: "Fransiskus, meitsje myn hûs wer yn oarder, dat lykastû sjochtste hielendal brekfallich woarn is". Tsjintwurdich hinget it orizjinele krús fan San Damiano yn de Basilica di Santa Chiara fan Assisi.

KlarissenBewurkje

Yn 1212 stifte Sint-Klara yn San Damiano op it plak it earste kleaster fan de Klarissen. Ek har suster Agnes en harren mem, dy't widdofrou woarn wie, sletten har by dy mienskip oan. Klara ferstoar yn 1253 yn San Damiano en waard begroeven yn de Sint-Joaristsjerke. Oant 1260 bleaune de Klarissen yn San Damiano wenjen en ferhûzen doe nei it nije kleaster by it grêf fan harren abdis yn de op it plak fasn de âlde Sint-Joaristsjerke nij boude Sint-Klaratsjerke.

It SinnelietBewurkje

Fransiskus mocht him ek graach werom lûke yn San Damiano om sa it drokke Assisi efkes te mijen. Yn de jierren 1224 en 1225 skreau Fransiskus yn San Damiano it ferneamde Cantico delle Creature (Liet fan de skepsels), ek bekend as it Sinneliet fan de hillige Fransiskus.

 
Ynterieur tsjerke

BeskriuwingBewurkje

Rjochts fan de iepen foarhal foar de tsjerke stiet de kapel fan de hillige Hieronymus, dêr't fresko's út 1520 fan Tiberio d’Assisi te sjen binne

Yn de ienskippige tsjerke hinget in replika fan it oarspronklike krús fan San Damiano. De fresko's yn de tsjerke oer û.o. it libben fan Fransiskus binne yn it begjin fan de 14e iuw oanbrocht. Rjochts foar it alter jout in trep mei in fresko fan de krusiging fan Pier Antonio Mezzastris (1482) tagong nei de kleastergong, de binnenhôf en de oare kleastergebouwen. Yn de kleastergong binne fresko's fan Eusebio da San Giorgio (1507). Yn it refektoarium, dat noch it meast yn de orizjinele steat bewarre bleaun is, binne fresko's fan Dono Doni te sjen.

Boarnen, noaten en referinsjesBewurkje

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:San Damiano (Assisi)