Antilopegrûniikhoarntsjes

De antilopegrûniikhoarntsjes (wittenskiplike namme: Ammospermophilus) foarmje in skaai fan 'e klasse fan 'e sûchdieren (Mammalia), it skift fan 'e kjifdieren (Rodentia), it ûnderskift fan 'e iikhoarntsjes en sliepmûzen (Sciuromorpha), de famylje fan 'e iikhoarntsjes (Sciuridae), de ûnderfamylje fan 'e grûniikhoarntsjes en Afrikaanske beamiikhoarntsjes (Xerinae), de tûke fan 'e grûniikhoarntsjes (Marmotini) en de ûndertûke fan 'e echte grûniikhoarntsjes (Spermophilina). Ta dit skaai hearre fiif soarten grûniikhoarntsjes, dy't foarkomme yn it súdwesten fan 'e Feriene Steaten en it noardwesten fan Meksiko.

antilopegrûniikhoarntsjes
In gewoan antilopegrûniikhoarntsje (Ammospermophilus leucurus).
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	kjifdieren (Rodentia)
ûnderskift:	iikhoarntsjes en sliepmûzen    (Sciuromorpha)
famylje:	iikhoarntsjes (Sciuridae)
ûnderfamylje:	grûniikhoarntsjes en Afri-    kaanske beamiikhoarntsjes    (Xerinae)
tûke:	grûniikhoarntsjes (Marmotini)
ûndertûke:	echte grûniikhoarntsjes    (Spermophilina)
skaai:	antilopegrûniikhoarntsjes     (Ammospermophilus)
Merriam, 1892

Beskriuwing

De antilopegrûniikhoarntsjes lykje frijwat opinoar, sawol wat uterlik as hâlden en dragen oangiet. Se hawwe in kop-romplingte fan omtrint 14–17 sm mei in sturtlingte fan 6–10 sm en in gewicht fan 110–150 g. Der rint ien inkele wite streek oer de siden, mar de kop is effen brún. De sturt is gjin plomsturt, mar in wat ôfplatte gefal, dat benammen brûkt wurdt om it lykwicht te behâlden. Antilopegrûniikhoarntsjes libje yn hoalen dy't se sels grave. Se hâlde gjin wintersliep en binne oerdeis aktyf as it yn 'e drûge biotopen dêr't se foarkomme op it hjitst is. Harren opmerklikste oanpassing is dat se oerferhjitting tsjingean kinne, sadat se gjin muoite hawwe mei lichemstemperatueren fan boppe de 40 °C.

Soarten

skaai antilopegrûniikhoarntsjes (Ammospermophilus) Espíritu Santo-antilopegrûniikhoarntsje (Ammospermophilus insularis) gewoan antilopegrûniikhoarntsje (Ammospermophilus leucurus) harrisgrûniikhoarntsje of Harris' antilopegrûniikhoarntsje (Ammospermophilus harrisii) nelsongrûniikhoarntsje of Nelsons antilopegrûniikhoarntsje (Ammospermophilus nelsoni) Teksaansk antilopegrûniikhoarntsje (Ammospermophilus interpres)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Ammospermophilus fan Wikimedia Commons.