Beskildere tsjerken yn de Troödos-regio

De Beskildere tsjerken yn de Troödos-regio op it eilân Syprus steane sûnt 1985 op 'e UNESCO-list fan it wrâlderfgoed. De tsjerken binne skuorre-eftige tsjerken, dy't fan binnen tige kleurryk beskildere binne en steane yn in gebiet mei ien fan 'e grutste konsintraasjes tsjerken en kleasters út it eardere Byzantynske Ryk.

Beskilderd tsjerkje fan Galata.

Yn 1985 waarden neffens in beslút fan 'e 9e gearkomste fan it wrâlderfgoedkomitee tsien fan sokke tsjerken yn 'e UNESCO-list fan it wrâlderfgoed ynskreaun. De ynskriuwing fûn plak op basis fan 'e kritearia (ii), (iii) en (iv). Yn 2001 waard dêr noch in tsjerke oan tafoege.

In útwreiding fan it tal tsjerken yn 2006 mei noch twa tsjerken op 'e 30e sitting waard net yn behanneling nommen, om't de Republyk Syprus de beide nominaasjes noch foar de sitting weromluts.

List fan tsjerken

ID-Nr.	Tsjerken	Plak	Opmerkingen	Eksterieur	Ynterieur
351-01	Agios Nikolaos tis Stegis	Kakopetria 35° 58' N 32° 53' E	boubegjin oan it begjin fan 'e 11e iuw letter fergrutte en mei in skuorredak ôfdutsen.
351-02	Agios Ioannis Lampadistis	Kalopanagiotis 34° 59' N 32° 49' E	ûnderdiel fan in net mear besteand kleaster bestiet út trije tsjerken ûnder ien skuorretek.
351-03	Panagia tis Asinou (Panagia Phorviotissa)	Nikitari 35° 2' N 32° 58' E	Boubegjin 1105/1106
351-04	Panagia tou Arakos	Lagoudera 34° 57' N 33° 0' E	Tsjerke út de lette 12e iuw fresko's út 1192
351-05	Panagia tou Moutoulla	Moutoullas 34° 58' N 32° 49' E	sterk skeinde fresko's út 1280
351-06	Archangelos Michail	Pedoulas 34° 58' N 32° 49' E	neffens ynskrift 1474
351-07	Timios Stavros	Pelendri 34° 53' N 32° 57' E	yn 'e 13e iuw ienskippich letter fergrutte mei in noardlik en súdlik sydskip
351-08	Panagia tis Podithou	Galata 35° 0' N 32° 46' E	yn 1502 boud as ûnderdiel fan in net mear besteand kleaster
	Panagia Theotokos	Galata 35° 0' N 32° 53' E	ek Archangelos Michail neamd
351-09	Timios Stavros tou Agiasmati	Platanistasa 34° 58' N 33° 2' E	beskilderingen út de ein fan 'e 15e iuw
351-10	Metamorfosis tou Sotiros (Agia Sotira)	Palechori 34° 55' N 33° 5' E	bou út de iere 16e iuw ien fan 'e meest komplete post-byzantynske fresko-sylcli; sûnt 2001 ynskreaun.

De folgjende tsjerke makket kâns om tafoege te wurden op de list:

• Panagia Chrysokourdaliotissa yn Spilia (sûnt 2002)

De folgjende twa tsjerken wiene foar de list nominearre, mar yn 2006 werom lutsen:

• Agios Sozomenos yn Galata (2002–2015, nominaasje foar 2006 weromlutsen)
• Agios Mamas yn Louvaras (2002–2015, nominaasje foar 2006 weromlutsen)

Boarnen, noaten en referinsjes

Boarnen, noaten en/as referinsjes:

UNESCO Wrâlderfgoed, list 351 Commons Wikimedia Commons  Ofbylden dy't by dit ûnderwerp hearre, binne te finen yn de kategory Beskildere tsjerken yn de Troodos regio fan Wikimedia Commons.