Bibelgurdle
De bibelgurdle, ek wol bible belt of refobân, is in oantsjutting fan de geografyske bân dy't fan westlik Oerisel nei Seelân rint, yn Nederland. Hjir wenje relatyf in soad befynlik grifformearden, dy't ek wol 'swartehoazetsjerken' (zwartekousenkerken) neamd wurde. Ek yn de bibelgurdle hawwe sy lykwols yn gjinien gemeente in mearderheid.
Dizze side giet oer de Nederlânske Bibelgurdle. Foar de Amerikaanske Bibelgurdle, sjoch: Bibelgurdle (Feriene Steaten).
Neist de SGP hat ek de KristenUny yn de bibelgurdle mear oanhingers dan yn oare kriten fan Nederlân.
De bibelgurdl rint rûchwei fan de Siuwske eilannen en it Súd-Hollânske Goeree-Overflakkee fia it rivieregebiei fan de provinsjes Súd-Hollân, Noard-Brabân, Utert, en Gelderlân, troch de Gelderske Fallei en de Feluwe nei Oerisel. Plakken sa as Staphorst, Genemuiden, IJsselmuiden, Elspeet, Ederfean, Ede, Opheusden, Nij Lekkerlân, Hardinksfjild, Wijk en Aalburg, Sprang-Capelle, Ouddorp, Sint-Filipslân, Skerpenisse, Stavenisse, Kruiningen, Krabbedyk, Yrseke, Arnemuiden, Meliskerke en Aagtetsjerke lizze yn dit gebiet. Inkelde plakken bûten it gebiet, mar dêr't wol in protte befynlik grifformearden wenje, binne: Urk, Rijssen, Hardenberg, Katwyk oan See en Skeveningen.
De namme 'Bibelgurdle' komt fan it Ingelske wurd Bible Belt, dêr't in grut gebiet yn it súdeasten fan de Feriene Steaten mei oantsjut wurdt, dêr't in grut part fan de befolking ortodoksk-kristlik is.
Literatuer
bewurkje seksje- Jan Dirk Snel, Waarom daar? De Refoband of Refogordel als onderdeel van de Protestantenband, yn: Fred van Lieburg (red.), Refogeschiedenis in perspectief. Opstellen over de bevindelijke traditie (It Hearrenfean: Groen, 2007), s. 51-91, ISBN 978-90-5829-780-8
- Willem Oosterbeek, Gordel van God: een voettocht langs 's Heeren wegen (Wormer: Inmerc, 2006) ISBN 90-6611-674-9