Blauspjocht
De blauspjocht, gewoane blauspjocht of beambikker (Sitta europaea) is de ienichste soarte út de famylje fan de blauspjochten (Sittidae) dy't yn Nederlân foarkomt. It is de ienichste fûgel dy't like maklik by in beam omheech rint as nei ûnderen. Deryn ferskilt er fan de spjochten dy't allinich omheech klimme.
| blauspjocht | ||||||||||||
|---|---|---|---|---|---|---|---|---|---|---|---|---|
| ||||||||||||
| taksonomy | ||||||||||||
| ||||||||||||
| soarte | ||||||||||||
| Sitta europaea | ||||||||||||
| Linnaeus, 1758 | ||||||||||||
| IUCN-status: net bedrige
| ||||||||||||
| ferspriedingsgebiet | ||||||||||||
 |
Foarkommen
bewurkje seksjeDe blauspjocht is in koarte grouwe fûgel fan likernôch 14 sm. De boppekant, de rêch, de wjukken en boppekant fan de kop is blaugriis. De ûnderkant is by de fûgels dy't yn it noarden en easten fan Jeropa foarkomme wyteftich. De fûgels yn it suden en westen hawwe in wat mear readbrune kleur. Fierders hat er in opfallende swarte eachstreek en in wite kiel.
Fersprieding
bewurkje seksjeDe blauspjocht komt foar yn hast hiel Jeropa útsein it noarden fan Skandinaavje, Skotlân en Ierlân. Dêrnjonken libbet er ek yn grutte dielen fan Sibearje en East-Aazje.
De blauspjocht is it meast te finen yn bosken mei leafbeammen, meast mei âlde en hege beammen.
Iten
bewurkje seksjeDe blauspjocht yt yn de simmer meast ynsekten, yn de hjerst en winterdeis ek wol sied, beien en nuten. Hurde nuten set er meast fêst tusken de beamskors wêrnei't er se mei syn sterke snaffel stikken makket.
Winterdeis is der ek wol op de foerplanke te sjen, faak tusken de miezen.
Fuortplanting
bewurkje seksjeDe blauspjocht bret fan ein april oant july yn beammehoalen en spjochtegatten, mar somtiden ek wol yn gatten yn muorren of nêstkasten. Hy makket it nêst net sels mar brûkt meast âlde hoalen dy't net mear brûkt wurde. Faak makket er de yngong lytser mei klaai dat er der sels noch krekt trochhinne past. De 7 oant 9 aaien wurde yn in fjirtjin dagen útbret. De jongen wurde troch beide âlden noch in 24 dagen fuorre foardat se útfleane. Meastentiids is der mar ien nêst per jier.