Brún groukopke

brún groukopke
taksonomy
ryk	dieren (Animalia)
stamme	lidpoatigen (Arthropoda)
klasse	ynsekten (Insecta)
skift	flinters (Lepidoptera)
famylje	groukopflinters (Hesperiidae)
skaai	stofwjukgroukopflinters (Erynnis)
soarte
Erynnis tages
	Linnaeus, 1758
	IUCN-status: net bedrige

It brún groukopke (Erynnis tages) is in soarte yn it skaai fan de stofwjukgroukopflinters (Erynnis).

Foarkommen

It brune groukopke komt yn Nederlân allinnich noch foar yn Súd-Limburch. De flinters hâlde fan drûge skrale greiden en rûchten. It is in honkfêste soarte.

Op de Nederlânske reade list stiet de flinter as slim bedrige, mar ynternasjonaal komt er noch rûnom foar.

Flinter

De wjuklingte is likernôch 13 mm. De boppekant fan de wjukken is brún mei dizige grize plakken.

Fleantiid

De flinter fljocht fan begjin maaie ôf oant ein juny. Foaral tusken 10 maaie oant 5 juny. It brune groukopke fljocht yn ien en soms yn twa generaasjes.

Rûp

De rûp kin 20 mm lang wurde. It liif is gieleftich mei grien. De rûp is bedutsen mei wite hierkes. It Brune Groukopke oerwinteret as in healwaaks rûp, yn in kokon. Nei de winter ferpopket de rûp him.

De rûp fret fan de tôchklaver, de hynstehoefklaver en de duveldrek.

Sjoch ek

List fan flinters