Bullemûne

De Bullemûne is in achtkante poldermole efkes ten easten fan Lekkum yn de gemeente Ljouwert.

Bullemûne
mûne / mole
lokaasje
lân	Nederlân
provinsje	Fryslân
gemeente	Ljouwert
plak	Lekkum
adres	Kealledykje 7
koördinaten	53° 13' N 5° 50' E
bysûnderheden
type mûne	muonts
funksje	poldermûne
oarspr. gebrûk	Bemeallen fan Bulle- en Lutspolder
flecht	20,5 meter
boujier	1825
oare ynformaasje
eigner	De Fryske Mole
monumintale status	ryksmonumint
monumintnûmer	24505
Webside
De Fryske Mole
Kaart

Skiednis en beskriuwing

De Bullemûne, in mealreeë muonts, dy't oan de Bonke stiet, waard yn 1825 boud foar it bemeallen fan de Bulle- en Lutspolder. Earder hie de mûne dyselde funksje foar de polder Lousmar by Tytsjerk, 8 km. súdliker. De Bullemûne soe syn namme ûntliene oan it berop fan ien fan syn eigeners, dy't boal fan Ljouwert wie. It wie ien fan de earste mûnen mei fokwjukken. De Bullemûne waard restaurearre yn 1968. De mole mei in flecht fan 20,50 m. is mealree yn sirkwy.

Yn 1971 gie de mûne oer nei wetterskip De Wâlden, dy't al sûnt 1969 ferantwurdlik wie foar it wetterpeil yn de Grutte Lekkumerpolder. De Bullemole krige doe in dieselynstallaasje en de kombinearre bemealling mei wyn wurke goed. Yn 1983 baarnde it mûndershúske derneist ôf.

Sûnt 1988 is de Bullemûne eigendom fan de Stifting De Fryske Mole, dy't him yn 1995 fannijs restaurearje liet troch molemakker Th. Jellema út Burdaard. Dêrby waarden ûnder mear de skroef en in roede, in lange sprút ferfongen en krige de mûne in nij kroasstek. Tsjintwurdich stiet de Bullemûne, dy't eartiids diel útmakke fan in iepen polderlânskip, oan de râne fan in nijbouwyk fan Ljouwert. De mûne is op ôfspraak te besichtigjen. Yn 2006 waard de Bullemûne troch it Wetterskip Fryslân oanwiisd as reservegemaal yn gefal fan wetteroerlêst.

Feroarjend mûnebiotoop

De oanlis fan de wyk Blitsaert yn de Bullepolder yn 2008 behindere de wynfang en it sicht op de mûne. Mei de eastlike útwreiding fan Blitsaerd oant de Moark fanôf 2020 wurdt dat noch slimmer en rekket it monumint mei in fierder ferlies fan iepen polderlânskip in grut part fan syn lânskiplike wearde kwyt. Fanút it suden is de Bullemole dan net mear te sjen.

Sjoch ek

• Mole yn Fryslân

Keppeling om utens

• Moledatabank
• De Hollandsche Molen
• Bokma, Hinne, Redding nabij voor vijf molens, Frysk Deiblêd, 9 maaie 2003 (archive.today)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Bullemûne fan Wikimedia Commons.