Burdmantsje

burdmantsje
taksonomy
ryk	dieren (Animalia)
stamme	rêchstringdieren (Chordata)
klasse	fûgels (Aves)
skift	moskeftigen (Passeriformes)
famylje	burdmantsjes (Panuridae)
skaai	echte burdmantsjes (Panurus)
soarte
Panurus biarmicus
	Linnaeus, 1758
	IUCN-status: net bedrige
ferspriedingsgebiet
	stânfûgel ; wintergast

It burdmantsje (Panurus biarmicus) is in sjongfûgel fan de famylje Panuridae yn it skift fan de moskeftigen (Passeriformes). De famylje fan de burdmantsjes hat mar ien soart.

Burdmantsje yn it reid

Foarkommen

It burdmantsje is in typyske fûgel fan it reidlân. Hy hat in oranje-brúne kleur mei in feal-wite foarkant. It mantsje hat in grize kop en opfallende swarte burdstreken. It lûd is tige typysk: "tsjing" of "ping" en dat is simmers en winters te hearren. De oersetting fan de Latynske namme is "dûbel optuge sturtfûget". Neist de namme Burdmantsje hat dizze fûgel noch mear ûnoffisiële nammen: "Reidmieske", "Reidpapegaai" (hy makket akrobatyske meneuvels yn it reid en hy liket in bitsje op in papegaai), "Dekfûgeltsje": as it winter is beskermet it mantsje it wyfke soms mei de wjukken en miskien hat er dêrtroch dy namme krigen.

Fersprieding

De fûgel komt ferspraat yn Jeropa en Midden-Aazje foar. Yn Nederlân briede jierliks tusken de 1000 en 2000 pearen. It burdmantsje is net bedrige en stiet net op de Reade list fan fûgels. Yn Fryslân komt it burdmantsje as briedfügel foaral foar yn de natuergebieten by de Iselmarkust lâns: fan Makkumer Noardwaard oant Mirnser Klif. Yn de Lauwersmar is er tige algemien en ferspraat troch Fryslân komme ek pearkes te brieden.

Taksonomy

De soarte telt trije ûndersoarten:

Panurus biarmicus biarmicus: West-, Midden-, Súd-Jeropa
Panurus biarmicus russicus: Súdeast- en East-Jeropa, Midden-Aazje
Panurus biarmicus kosswigi: Súdeast-Turkije

Mantsje
Wyfke
Jonge fûgel

Keppeling om utens

Vogelbescherming: baardman