Candace Von
Candace Von, echte namme: Shinea Smith (New York, 19 septimber 1984), is in Amerikaansk neakenmodel, pornografysk aktrise en prostituee fan mingd Afro-Amerikaansk en Dominikaansk etnysk komôf. Har artystenamme wurdt gauris op ferskate manearen ferhaspele, ta Candance Von, Candice Von, Candace, Candice en Candise.
| Candace Von | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Candance Von, Candice Von, Candace, Candice, Candise | |
| echte namme | Shinea Smith | |
| nasjonaliteit |  Amerikaansk
| |
| berne | 19 septimber 1984 | |
| berteplak | New York (New York) | |
| etnisiteit |  Afro-Amerikaansk  Dominikaansk
| |
| wurkpaad | ||
| wurksum as | neakenmodel, pornoaktrise, prostituee | |
| jierren aktyf | 2005 – no | |
| offisjele webside | ||
| candacevon.tv (deade link) | ||
Libben en karriêre bewurkje seksje
Candace Von waard yn 1984 berne en is hikke en tein yn 'e Newyorkske wyk de Bronx. Yn 2005, doe't se 21 jier wie, makke se har debút yn in pornografyske film, en sûnt hat se neffens de Internet Adult Film Database (IAFD) yn krapoan 180 ûnderskate films spile. Von hat û.m. wurke foar sokke foaroansteande labels as Red Light District, Elegant Angel, New Sensations, Vivid Entertainment, Shane's World, Third Degree Films, Evil Angel, Digital Sin, Jules Jordan Video, West Coast Productions, VCA Pictures en Hustler Video.
Teffens hat se wol yn films spile dy't útbrocht waarden troch minder bekende studio's, wêrûnder guon dy't har talizze op ebony-pornografy (lykas Platinum X Pictures, Afro-Centric Productions en Black Ice) en ek wol guon dy't har talizze op it grutte-boarstesjenre (lykas Score). Yn guon films ferskynde se as dominatriks. Fierders hat se ek in protte yn 't spier west foar pornosites op it ynternet, wêrûnder BangBros en Reality Kings. Dêrnjonken posearre hja as neakenmodel foar ferskate neakenblêden en ek hat se wurke as eskort.
Von hat har populariteit yn 'e Amerikaanske seksyndustry te tankjen oan har wielderige foarmen. Neffens har offisjele opjefte is se 1.75 m, mei in gewicht fan 61 kg en in natuerlike kupmaat 36DD. Hja wennet yn Hollywood, yn 'e steat Kalifornje, en njonken har pornokarriêre folget hja op 't heden in oplieding yn it heger ûnderwiis.
Keppelings om utens bewurkje seksje
- (in) Biografy en filmografy fan Candace Von yn 'e Internet Movie Database (IMDb)
- (in) Biografyske gegevens en filmografy fan Candace Von yn 'e Internet Adult Film Database (IAFD)
- (in) Biografyske gegevens fan Candace Von op FreeOnes
| Boarnen, noaten en/as referinsjes: |