Caylian Curtis

Caylian Curtis, echte namme Kateřina Staňková (Praach, 12 augustus 1981), is in Tsjechysk neakenmodel en pornografysk aktrise, dy't yn it begjin fan har karriêre ek wol gebrûk makke hat fan 'e artystenammen Kathy Lee, Kathy Birch en sljochtwei Kathy.

Caylian Curtis
persoan yn de seksyndustry
persoanlike bysûnderheden
oare artyste-        nammen	Kathy Lee, Kathy Birch, Kathy
echte namme	Kateřina Staňková
nasjonaliteit	Tsjechysk
berne	12 augustus 1981
berteplak	Praach (Tsjechje)
etnisiteit	Boheemsk
wurkpaad
wurksum as	neakenmodel, pornoaktrise
jierren aktyf	2006 – no
offisjele webside
www.cayliancurtisonline.com

Libben en karriêre

Curtis is berne is yn 'e Tsjechyske haadstêd Praach, en groeide dêr ek op as de âldste yn in gesin mei twa bern. Hja folge in universitêre stúdzje rjochten en iepenbier bestjoer en wist nei har ôfstudearjen in bedriuwsmanagementfunksje te bemachtigjen.

Al rillegau dêrnei begûn se te posearjen foar neakenblêden; sa wie se yn 2006 de Playboy Playmate en Miss September fan 'e Tsjechyske Playboy. Yn july fan dat jier kaam Curtis yn 'e kunde mei de Frânske pornoregisseur Pierre Woodman, dy't har nei lang oantrúnjen safier krige dat se deryn tastimde om yn syn folgjende film te spyljen. Dat wie de megaproduksje Xcalibur, fan 'e studio Pierre Woodman Entertainment, dy't yn augustus 2006 opnommen waard mei in budget fan € 800.000,— en in cast fan 40 aktrises, 35 manlike akteurs en 250 figuranten.

Yn septimber 2006 naam Curtis har artystenamme oan en tekene se foar € 300.000,— in eksklusyf kontrakt foar trije jier mei Pierre Woodman Entertainment. Sûnt hat se û.m. yn 'e oare beide dielen fan 'e Xcalibur-trilogy en yn 'e film Amazonian Dreams spile.

Keppelings om utens

• (in) Offisjele webside fan Caylian Curtis
• (in) Biografy fan Caylian Curtis yn 'e Internet Movie Database (IMDb)
• (in) Biografyske gegevens en filmografy fan Caylian Curtis yn e Internet Adult Film Database (IAFD)

Boarnen, noaten en referinsjes

Boarnen, noaten en/as referinsjes:

Biografy fan Caylian Curtis yn 'e Internet Movie Database (IMDb) Biografyske gegevens en filmografy fan Caylian Curtis yn e Internet Adult Film Database (IAFD) Commons Wikimedia Commons  Ofbylden dy't by dit ûnderwerp hearre, binne te finen yn de kategory Caylian Curtis fan Wikimedia Commons.