De Groote Polder
De Groote Polder is in poldermûne yn Slochteren yn 'e provinsje Grinslân. Oant 1975 hie de mûne gjin namme en de mûne waard gewoan oantsjut mei it plak dêr't er stie, nammentlik yn 'e 'Groote Polder'. Yn 1975 krige de mûne de namme "De Groote Polder", mar op it burd stie mei fersin "De Groote Poldermolen". Op in tal plakken wurdt de mûne as de "Grotepoldermolen" oantsjut, itjinge net goed is.
| De Groote Polder | ||
 mûne / mole
| ||
| ||
| lokaasje | ||
| provinsje |  Grinslân
| |
| plak |  Slochteren
| |
| adres | Groenedijk 22 | |
| koördinaten | 52°12'N, 6°46'E | |
| bysûnderheden | ||
| type mûne | muonts | |
| funksje | poldermûne | |
| flecht | 21,4 m | |
| boujier | 1783 | |
| oare ynformaasje | ||
| eigner | Midden- en East-Grinslân | |
| monumintale status |  ryksmonumint
| |
| monumintnûmer | 33795 [1] | |
| Webside | ||
| www.msmog.nl | ||
| Kaart | ||
  | ||
De mûne is yn 1783 boud as poldermûne mei in skeprêd. It is de âldste noch besteande èn wurkjende poldermûne fan Grinslân. It skeprêd waard letter ferfongen troch in skroef, dy't dêrnei noch twaris ferfongen en langer makke is. De mûne krige yn it begjin fan 'e 20e iuw in helpgemaal yn in apart gebouke, ynearsten op steam en letter op disel.
Nei't de mûne nei de Twadde Wrâldkriich bûten gebrûk rekke, sette it ferfal útein, mar de 'Slochter Mûnestifting' liet de mûne nei in grutte restauraasje yn 1975 wer yn gebrûk nimme. Troch in leger polderpeil koe de mûne selden mealle, ek al wie de skroef langer makke. Yn juny 2015 waard in sletten bemealling oanlein, werby't de needbemeallingsfunskje fan 'e Groote Polder yn stân bleau. De mûne kin no by heech wetter helpe de polder drûch te hâlden. Yn 2015 waarden nije roeden stutsen en krige de kape in nije foarkant. De flecht fan 'e mûne is 21,40 meter.
De mûne draait regelmjittich as it kin op sneintemiddeis en tsjinnet ek as lesmûne. As de flagge fan Slochteren by de mûne hinget is de mûne iepen om te besjen.
Nei't de 'Slochter Mûnestifting' yn 2015 mei de 'Mûnestifting Oldambt' fusearre ûnstie de 'Mûnestifting Midden- en East-Grinslân', dy't de tsjintwurdige eigner is.
Sjoch ek
bewurkje seksje- Fraeylemamûne, Groenedijk 2-A
- De Ruiten, Groenedijk 28-A
Keppeling om utens
bewurkje seksje- (ned) Molendatabase (oersjoch technyske ynformaasje oer de mûne)
- (ned) Allemolens.nl (ôfbylden)
- (ned) Grinslânske Mûnen
| Boarnen, noaten en/as referinsjes: | ||
|
