Diakonessehûs (Ljouwert)

It Diakonessehûs waard yn 1880 troch Mattheus Teffer oprjochte. De fraach nei sikehûssoarch wie sa grut dat it Diakonessehûs nei twa jier al ferhuze nei in grutter ûnderkommen op de Foarstreek. Uteinlik wie yn 1894 in nij gebou oan de Noardersingel ree. It waard boud yn neorenêssânsestyl neffens in ûntwerp fan Willem Cornelis de Groot.

Diakonessehûs
sikehûs
It Diakonessehûs, mei in ferbouwing dy't net oanslút by it monumintale gebou.
lokaasje
lân	Nederlân
provinsje	Fryslân
gemeente	Ljouwert (gemeente)
plak	Ljouwert (stêd)
adres	Noardersingel 88
koördinaten	53°12′18.35″N 5°47′26.53″E
bysûnderheden
type	algemien sikehûs
streaming	protestantsk
skiednis
oprjochting	1880
opheffing	1982
opgien yn	Medysk Sintrum Ljouwert
gebou
namme gebou	Diakonessehûs
arsjitekt	Willem Cornelis de Groot
boujier	1894
boustyl	neorenêssansisme
monumint. status	Ryksmonumint
monumintnûmer	519882
ferbouwing	1931, 1987
kaart
Lokaasje yn Ljouwert.

It wie yn it earstoan mar in lyts gebou, mar letter waard der flink útwreide. It sikehûs boude in ferpleechflet mei fiif ferdjippings en letter noch in poliklinyk, dy't de Paul Krugerstrjitte mei de byhearrende (monumintale) huzen opslokte.

Yn 1982 fúzjearre it Diakonessehûs mei twa oare Ljouwerter sikehuzen: It Sint Bonifatius Hospitaal en Triotel ta it MCL. It Diakonessehûs waard omdoopt yn it MCL-Midden. Yn 1987 boude it MCL by Triotel in nij sikehûs en it Diakonessesikehûs gie ticht

Nei 1987 is it sikehûs hast hielendal ferboud ta wenten.

Fotogalery

• 
  It Diakonessehûs yn 1907
• 
  Diakonessehûs (1979)
• 
  It bêdehûs