Dokter Wagemaker (skip út 1934)
De Dokter Wagemaker wie in skip fan TESO. Yn 1933 besleat TESO in nije fearboat te bouwen. Om't yn dat jier Adriaan Wagemaker, de oprjochter fan TESO, ferstoarn wie, waard besletten it skip nei him te ferneamen. It skip waard boud op de Wilton-Fijenoord skipswerf yn Skiedam. Yn 1934 kaam it stoomskip yn tsjinst.
| Dokter Wagemaker | ||
| ||
| algemiene ynformaasje | ||
| flagge |  Nederlân
| |
| thúshaven | Teksel (1934-1963), Skylge (1963-1972) | |
| eigner | TESO | |
| oare namme(n) | Schellingerland (1963-1972) | |
| skiednis | ||
| werf | Wilton Fijenoord, Skiedam | |
| oplevere | 1934 | |
| yn de feart | 1934 | |
| út tsjinst | 1972 | |
| status | Sloopt (1975) | |
| bysûnderheden en sifers | ||
| type | Fear | |
| subtype | Stoomskip fanof 1952; Motorskip | |
| lingte | 47,6 m. fanôf 1952; 52,6 m | |
| breedte | 8,3 m. | |
| djipgong | 3,2 m. | |
| passazjiers | 1000 | |
| oandriuwing | Steammasjine fanôf 1952; Werkspoordiesel 450 pk. TMAS 276430. | |
De Dokter Wagemaker wurdt op 5 septimber 1939 foardere troch de Nederlânske Marine, mar de fearboat fart ek geregeld noch foar TESO. Nei de Dútske ynfal leit de feartsjinst in pear dagen stil, mar dêrnei kin der wer fearn wurde. De Dokter Wagemaker rekket yn de Twadde Wrâldkriich meardere kearen skansearre. Mar it skip kin alle kearen wer oplape wurde.
Yn 1952 wurdt de Dokter Wagemaker op in werf yn Harns ferlinge en fan stoomskip omboud nei motorskip.
Nei 29 tsjinstjierren wurdt it skip ferkocht oan Rederij Doeksen dy't it skip omdoopt yn Schellingerland en der fan 1963 oant 1972, mei fan Harns nei Skylge fart. It is it twadde skip fan Doeksen dat ûnder de namme Schellingerland fart. Yn april 1974 wurdt de Schellingerland ferkocht. It skip einiget op de sloperij fan Stolk’s Handelsûndernimming yn Hendrik-Ido-Ambacht.
| Boarnen, noaten en/as referinsjes: | ||
|
