Femke de Walle

Femke de Walle (Baambrugge, 13 maart 1983) is in Frysk presintatrise en muzikante. Se waard yn 1983 út Fryske âlden berne yn Baambrugge, in plak yn it noardwesten fan 'e provinsje Utert, deunby de Finkefeanske Plassen. Se groeide lykwols op yn Fryslân en genoat middelber ûnderwiis op 'e HAFU fan it Kristlik Lauwers Kolleezje yn Bûtenpost. Neitiid studearre De Walle sjoernalistyk oan 'e Hegeskoalle Windesheim yn Swol.

Femke de Walle
Mikrofono.svg tillefyzje- en/of radiopersoanlikheid
persoanlike bysûnderheden
echte namme Femke de Walle
nasjonaliteit Flag of the Netherlands.svg Nederlânsk
berne 13 maart 1983
berteplak Baambrugge (Utert)
etnisiteit Frisian flag.svg Frysk
wurkpaad
wurksum as presintatrise, muzikante
medium radio
wurksum by Omrop Fryslân
bekend fan Klipkar
jierren aktyf fan 2006 ôf
offisjele webside
Femke de Walle op Facebook

De Walle waard radioferslachjouster en -presintatrise by Omrop Fryslân. Se presintearre it radioprogramma Klipkar. Dêrnjonken is se ek muzikante (pianiste) en treedt se op mei har suske Elske DeWall. De Walle wennet op De Gordyk mei har man Allan en bern, de twilling Liv en Liam (2013) en Luuk (2017). Yn maart 2020 lei se har wurk by Omrop Fryslân en as muzikante abrupt del om't se skjin ynein wie en har batterij net mear opladen krige. Sels omskreau se it yn in fraachpetear mei de Ljouwerter Krante sa: "Ik rûn mei de bek op 'e grûn."

Keppelings om utensBewurkje

Boarnen, noaten en referinsjesBewurkje

Boarnen, noaten en/as referinsjes: