Francisco de Zurbarán

Francisco de Zurbarán (Fuente de Cantos, Badajoz, 7 novimber 1598 - Madrid, 27 augustus 1664) wie in keunstskilder fan 'e Spaanske Gouden Iuw fan de keunsten; syn wurk wurdt ta de barok rekkene.

Wierskynlik in selsportret fan Francisco Zurbarán as evangelist Lukas (1635–1640)

Hy is foaral bekend om syn religieuze skilderijen mei ôfbyldingen fan muontsen, nonnen en martelders, en om syn stillibbens. Zurbarán krige de bynamme "Spaanske Caravaggio" fanwegen it krêftich tapassen fan clair-obscur dêr't er yn útblonk.

Styl

It is net witten oft Zurbarán de gelegenheid hân hat om de skilderijen fan Caravaggio te sjen, mar syn wurk hat wol in ferlykber gebrûk fan clair-obscur en tenebrisme (dramatyske beljochting). De skilder dy't neffens guon keunsthistoarisy de grutste ynfloed op syn strange komposysjes hie wie Juan Sánchez Cotán. Polychrome byldhoukeunst - dy't yn Sevilla yn de tiid fan Zurbaráns leartiid in nivo fan ferfining berikt hie dat dat fan de lokale skilders te boppe gie - soarge foar in oar wichtich foarbyld foar de jonge keunstner; benammen it wurk fan Juan Martínez Montañés leit ticht by dat fan Zurbarán.

Zurbarán skildere syn figueren rjochtstreeks út de natoer. Hy hie in bysûndere jefte foar it skilderjen fan, foaral wite, draperyen; de huzen fan de wytreade kartuzers binne sadwaande ek rynsk oanwêzich yn syn skilderijen. Hy soe syn hiele, oars bloeiende, karriêre fêsthâlde oan deselde wurkwize op in pear útsûnderingen nei. Zubaratáns súkses bleau folslein beheind ta Spanje.

De lette wurken fan Zurbaran, lykas de Sint Franciscus (1658-1664; Alte Pinakothek) litte de ynfloed fan Bartolomé Murillo en Titiaan sjen yn harren lossere pensielgebrûk en sêftere kontrasten.

Utstallingen

Zurbarán wie it ûnderwerp fan in grutte útstalling yn 1987 yn it Metropolitan Museum of Art yn New York , dy't yn 1988 nei Galeries nationales du Grand Palais yn Parys reizge. Yn 2015 presintearre it museum Thyssen-Bornemisza yn Madrid Zurbarán nochris.

Galery

• 
  Kristus oan it krús, 1627 (290 x 168 sm), Art Institute, Chicago.
• 
  Sint Serapius, 1628 (120 x 103 sm), Wadsworth Athenaeum (Connecticut).
• 
  It opbierde lichem fan Sint Bonaventure, 1629 (250 x 225 sm), Louvre, Parys
• 
  Sint Franciscus knibbelet mei in holle yn syn hannen, 1658 (84 x 53 sm), Alte Pinakothek, München
• 
  Agnus Dei, om 1635–1640, Prado Madrid

Keppeling om utens

• Francisco de Zurbarán op Artcyclopedia mei in protte ferwizings

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Francisco de Zurbarán fan Wikimedia Commons.