Frjentsjerter Omgong

De Frjentsjerter Omgong (Nederlânsk en offisjeel: Franeker Ronde) is in sportevemint dat sûnt 2016 elts jier holden wurdt yn 'e Fryske stêd Frjentsjer. It fynt plak yn it ramt fan 'e Agraryske Dagen, op in tongersdeitejûn yn 'e twadde helte fan 'e moanne septimber. It parkoers rint troch de binnenstêd fan Frjentsjer. De organisaasje is yn 'e hannen fan 'e Atletykferiening Spartacus út Tsjom, yn gearwurking mei de sportkommisje fan 'e Agraryske Dagen.

Frjentsjerter Omgong Franeker Ronde
plak en tiid
lân	Nederlân
provinsje	Fryslân
gemeente	De Waadhoeke
plak	Frjentsjer
holden yn	binnenstêd
datum	tongersdei fan de A.D.
bysûnderheden
gelegenheid	Agraryske Dagen
soarte evenemint	sportevenemint (hurddraven)
bestean	2016 – no
org. troch	Atletykferiening Spartacus
offisjele webside
www.agrarischedagenfraneker.nl/.../franekerronde

Underdielen

De Frjentsjerter Omgong bestiet út ferskate ûnderdielen. Foar bern jonger as 16 jier is der de Kids-run, dy't bestiet út:

• 620 m foar bern fan 4 oant en mei 6 jier
• 1.240 m foar bern fan 7 oant en mei 9 jier
• 1.860 m foar bern fan 10 oant en mei 15 jier

Foar dielnimmers fan 16 jier en âlder is der

• de Bedriuwe-run: in estafette foar teams fan 4 dielnimmers oer in ôfstân fan 5 km of 10 km
• de Senioare-run foar lju dy't it hiele ein sels drave, wêrby't men kieze kin út in ôfstân fan 5, 7¹/₂ of 10 km.

Keppelings om utens

• (ned) Offisjele webside fan Frjentsjerter Omgong

Boarnen, noaten en referinsjes

Boarnen, noaten en/as referinsjes:

―― Laat ze je hielen zien, yn: AD WaADhoeke, 12 septimber 2018, s. 9.