Gûs-Chrûstalny
Gûs-Chrûstalny (Russysk: Гусь-Хруста́льный) is in stêd yn de oblast Vladimir yn Ruslân. De stêd leit oan de rivier Gûs (in sydrivier fan de Oka), likernôch 63 km súdlik fan Vladimir.
| Gûs-Chrûstalny | |
|---|---|
 Barbarakapel (1882-1885)
| |
| Flagge | Wapen |
.svg)
|
.png)
|
| Polityk | |
| Lân |  Ruslân
|
| Oblast |  Vladimir
|
| Sifers | |
| Ynwennertal | 51.998 (2021) |
| Oerflak | 43 km² |
| Befolkingstichtens | 1209,26 ynw. / km² |
| Hichte | 125 m |
| Oar | |
| Stifting | 1756 |
| Simmertiid | (UTC+3) |
| Koördinaten | 55° 37' N 40° 39' E |
Gûs-Chrûstalny waard healwei de 18e iuw mei de bou fan in kristalfabryk stifte. It plak krige yn 1931 de status fan stêd .
Etymology
bewurkje seksjeDe namme fan it plak kin oerset wurde as "kristal-goes". De stêd stiet bekend as ien fan de âldste sintra fan de glêsyndustry yn Ruslân en leit oan de Gûs (oerset: goes). Alhoewol't de fûgel ek yn it wapen fan de stêd te sjen is, binne der redenen om oan te nimmen dat de namme net streekrjocht ôflaat is fan de goes, mar earder fan de Slavyske term goes foar in grutte (fan tsien liter of mear) flesse.
Befolkingsûntwikkeling
bewurkje seksje| Jier | Ynwennertal |
|---|---|
| 1939 | 40.225 |
| 1959 | 54.158 |
| 1970 | 64.516 |
| 1979 | 71.598 |
| 1989 | 76.360 |
| 2002 | 67.121 |
| 2010 | 60.784 |
| 2021 | 51.998 |
It besjen wurdich
bewurkje seksje
Ien fan de monuminten yn de stêd is de Sint-Joariskatedraal, yn 1904 boud neffens in plan fan de arsjitekt Leonti Nikolajevitsj Benois en wijd oan de hillige Joaris. Foar in diel bleaune de fresko's fan de tserke bewarre. Op it stuit wurdt it gebou brûkt troch it Kristal Museum. Sûnt 2019 wurde der wer tsjinsten yn de katedraal holden.
De Trije-ienheidstsjerke fan de stêd stamt út 1816, doe't by de kristalfabryk yn it doedestiidske doarp in oan Anna en Joachim boude neoklassisistyske tsjerke boud waard. Yn de jierren 1848-1850 waard de tsjerke útwreide mei in refter, in Trije-ienheidskapel en in klokketoer. De tsjerke waard yn 1936 sletten en brûkt troch de brânwar, mar yn de 1989 werom jûn oan de Russysk-Otterdokse Tsjerke en moast hast folslein rekonstruëarre wurde.
It keunstmjittich oanleine mar yn de stêd wurdt troch sawol toeristen as ynwenners in soad besocht.
Gûs-Chrûstalny makket diel út fan de toeristyske Gouden Ring fan Ruslân.
 |
Ofbylden dy't by dit ûnderwerp hearre, binne te finen yn de kategory Gus-Khrustalny fan Wikimedia Commons. |