Grenadakapibara
De Grenadakapibara (Latynske namme: Hydrochoerus gaylordi) is in útstoarn sûchdier út it skift fan 'e kjifdieren (Rodentia), de famylje fan 'e kavia-eftigen (Caviidae) en it skaai fan 'e kapibara's (Hydrochoerus), dat yn it Let-Plioseen op it Karibyske eilân Grenada libbe.
| Grenadakapibara | ||||||||||||
|---|---|---|---|---|---|---|---|---|---|---|---|---|
| taksonomy | ||||||||||||
| ||||||||||||
| soarte | ||||||||||||
| Hydrochoerus gaylordi | ||||||||||||
| MacPhee, Singer & Diamond, 2000 | ||||||||||||
| IUCN-status: n.f.t. (fossyl) | ||||||||||||
Dizze soarte hie in boppekaak mei trije kiezzen. Fossile resten fan 'e Grenadakapibara waarden yn 1991 ûntdutsen troch de paleöntologen Ronald Singer, Ross MacPhee en Michael Diamond, dy't it bist yn 2000 foar it earst wittenskiplik beskreaune. De wittenskiplike namme, Hydrochoerus gaylordi, is in tankbetsjûging fan Singer oan syn mentor Joseph Gaylord.
Ynsafier't fêststeld wurde kin mei de beheinde resten dy't fûn binne, ferskilde de Grenadakapibara mar yn ien opsicht fan 'e oare beide, noch libbene kapibarasoarten (de gewoane kapibara en de lytse kapibara): der bestie ntl. in ferbining tusken de lamellen op 'e twadde kies. By de oare beide soarten ferdwynt dy ferbining as de bisten folwoeksen wurde.
| Boarnen, noaten en/as referinsjes: |
|