Hans Brian

Johannes Franciscus Maria (Hans) Brian (Amsterdam, 19 jannewaris 1940 – Son, 7 juny 2022) wie in Nederlânsk rugbyspiler, - coach, sportsjoernalist, sportkommentator en telefyzjepresintator.

Hans Brian
tillefyzje- en/of radiopersoanlikheid
persoanlike bysûnderheden
echte namme	Johannes Franciscus Maria Brian
nasjonaliteit	Nederlânsk
berne	19 jannewaris 1940
berteplak	Amsterdam
stoarn	7 juny 2022
stjerplak	Son
wurkpaad
wurksum as	Sport kommentator
medium	tillefyzje
wurksum by	NOS
jierren aktyf	1976-2005

Hans Brian
sporter
sportive ynformaasje
sport	Rugby
trener	Jierren 60, bûnscoach Nederlânsk rugbyteam
debút	1956
karriêre-ein	1963

Karriêre

Brian spile fan 1956 ôf rugby by AAC en kaam fan 1959 ôf út foar it Nederlânske rugbyteam. Yn 1963 moast er fanwegen in blessuere ophâlde. Hy die de ALO en wie yn de jierren 1960 bûnscoach fan it Nederlânske rugbyteam. Ek sette er him yn foar de begelieding fan rugbytrainers en - skiedsrjochters. Yn 1970 gie Brian op de sportredaksje fan De Telegraaf wurkjen. Yn 1976 makke hy de oerstap nei de NOS. Dêr waard Brian sportkommentator en hie njonken rugby ek hockey as spesjalisaasje wêrby't hy ferskate grutte finales bekommentariearre. Ek wie er fêste kommentator by tafeltennis, badminton en auto- en motorsport; de TT Assen, Formule 1 en Parys-Dakar. Hjirneist wie er earst wurksum as gymlearaar ûnder oare op in middelbere skoalle yn Eindhoven. En dêrnei hie er in stêffunksje op de kommunikaasje-ôfdieling fan DAF. Tussen 1985 en 1987 presenteerde Brian voor de NCRV de spelshow It's All in the Game. Yn 2005 hold er op by de NOS. Brian waard yn 2007 lid fan fertsjinste fan de Nederlânske Rugby Bûn en yn 2016 waard dat opwurdearre ta earelid. Hy wie ek yn 2004 beneamd ta lid fan fertsjinste fan de KNHB.