Herfoarme tsjerke (Lytsegast)
De Herfoarme Tsjerke is ien fan 'e twa tsjerken fan 'e Protestanske Tsjerke yn Nederlân yn Lytsegast, Grinslân. De oare tsjerke is de eardere grifformearde tsjerke fan Lytsegast en stiet krektlyk as de herfoarme tsjerke oan 'e Abel Tasmanweg. De herfoarme tsjerke is in ryksmonumint.
| Herfoarme Tsjerke | ||
| ||
| ||
| Lokaasje | ||
| provinsje |  Grinslân
| |
| gemeente |  Westerkertier
| |
| plak | Lytsegast | |
| adres | Abel Tasmanweg 75 | |
| koördinaten | 53° 18' N 6° 15' E | |
| Tsjerklike gegevens | ||
| tsjerkegenoatskip | Protestanske Tsjerke yn Nederlân | |
| Arsjitektuer | ||
| boujier | 1877 | |
| Webside | ||
| Side fan de gemeente | ||
| Kaart | ||
  | ||
Skiednis
bewurkje seksje
De tsjerke waard boud yn 1876-1877 op it plak fan in âldere tsjerke. Bûten is yn 'e muorre fan 'e tsjerke ta neitins fan Abel Tasman in brûnzen plakette oanbrocht, dy't jûn waard troch it regear fan Tasmaanje.
Ynterieur
bewurkje seksjeDe 17e-iuwske preekstoel draacht it wapen fan Berend Johan Prott. De sark fan it famyljegrêf fan de ofsier Prott, dy't in rol spile by de ferdigening fan Grinslân tsjin de biskop fan Münster, leit ûnder de preekstoel.[1] De hearebank datearret út de 18e iuw. Yn 'e toer hinget in klok út 1948. De âlde klok út 1640 waard yn 'e besettingstiid út de tsjerke helle.
Oargel
bewurkje seksjeIt oargel fan Geert Pieters Dik út 1842 waard út de foargonger oernommen. Dat oargel bestie út ûnderdielen fan oargels fan katolike skûltsjerken út Grins, dêr't Dik ien oargel fan makke hie. Bysûnder is dat ien fan dy oargels, nammentlik dy fan de staasje oan 'e Hoge der Aa, oan Arp Schnitger taskreaun waard. Yn 1911 boude Antonius van Oeckelen in nij ynstrumint. Unbekend is wêr't it Dik-oargel dêrnei bedarre is. Tanksij in legaat koe it Dik-oargel yn 1985 restaurearre wurde.[2]
Keppeling om utens
bewurkje seksje| Boarnen, noaten en/as referinsjes: | ||
|
