Herfoarme tsjerke fan Súdwâlde (Drinte)

De Herfoarme tsjerke fan Súdwâlde (offisjeel: Zuidwolde) yn de provinsje Drinte is in tsjerkegebou fan de herfoarme PKN-gemeente Súdwâlde.

Herfoarme tsjerke fan Súdwâlde
bouwurk
lokaasje
lân	Nederlân
provinsje	Drinte
plak	Súdwâlde
adres	Haadstrjitte 98
bysûnderheden
type bouwurk	Tsjerke
boujier	1823, útwreiding 1856
monumintale status	ryksmonumint
monumintnûmer	526039 (mûne)
offisjele webside
Side herfoarme PKN-gemeente Súdwâlde

Skiednis

De tsjerke waard yn 1823 as sealtsjerke boud en ferfong doe de midsiuwske foargonger. Yn 1856 waard it eastlike diel ferfongen troch in dwersskip, sadat de tsjerke in T-foarm krige. De dakruter krige yn 1926 it hjoeddeiske oansjen.

Yn de dakruter hingje twa klokken út 1502 dy't getten waarden troch Willem fan Wou. Fanwegen dy twa klokken krige de tsjerke de status fan ryksmonumint.

Ynrjochting

De preekstoel datearret út de boutiid fan de tsjerke (1823).

Oargel

It oargel fan de herfoarme tsjerke waard yn 1902 boud troch Jan Doornbos út Grins en yn 1971 ferfongen troch in ynstrumint fan Hendriksen & Reitsma (Nunspeet). De oargelkas út 1902 bleau lykwols bewarre en sa'n 600 pipen fan it Doornbos-oargel waarden wer brûkt foar it nije ynstrumint. Hendriksen & Reitsma makke it oargel yn 2004 skjin, ferfong doe de Prestant 4' fan it twadde manuaal troch in Dulciaan en liet de oargelkas bestrike mei griene farve en foar it fykwurk in fergulde kleur. It oargel waard yn 2015 troch Henriksen & Reitsma mei fiif ekstra registers en in frij pedaal útwreide. It oargel hat no 20 registers ferdield oer twa manualen en pedaal.

Keppeling om utens

• Orgels in Drenthe: ynformaajse oargel

Boarnen, noaten en referinsjes

Boarnen, noaten en/as referinsjes:

Reliwiki, oproppen 29 maart 2021 Commons Wikimedia Commons  Ofbylden dy't by dit ûnderwerp hearre, binne te finen yn de kategory Herf. tsjerke, Súdwâlde fan Wikimedia Commons.