Huntsville (Alabama)

Huntsville (City of Huntsville) is in stêd yn de Amerikaanske steat Alabama.

Huntsville
Plak fan Huntsville yn Madison County, Alabama
Bestjoer
Lân	Feriene Steaten
Steat	Alabama
County	Madison County en Limestone County
Boargemaster	Tommy Battle
Sifers
Ynwennertal	180.105↓ (2010)
Oerflak	451,8 km²
Befolkingsticht.	331,14 / km²
Hichte	193 m
Oar
Tiidsône	UTC-6
Simmertiid	UTC-5
Offisjele webside
Webstee Huntsville

Yn Huntsville sit it Redstone Arsenal, in rakette-ûnwikkelingssintrum; de stêd is sadwaande ek bekend as Rocket City. OP 8 septimber 1960 waard troch presidint Dwight D. Eisenhower it Marshall Space Flight Center fan de NASA yn Huntsville iepene. Ein 50er jierren waard dêr ûnder lieding fan Wernher von Braun de Saturnusraketten en it Apollo-programma ûntwikkele.

Ekonomy en yndustry

De yndustrysektor yn Huntsville bestiet út goed 220 firmas dy't oan sa'n 32.000 minsken wurk jouwe. In protte dêrfan binne yn de beriuwen sels oplaat en heechkwalifisearre om it heechtechnologyske presisywurk dwaan te kinnen.

It romtefeartprogramma fan de Feriene Steaten is sûnt mids 50er jierren nau ferbûn mei de stêd. Meiïnoar sitte der mear as 300 ynternasjonale en nasjonale ûndernimmings, dy't dwaande binne mei ûntwikkeling en produksje fan elektronika en IT-technology. It Cummings Research Park yn Huntsville is it twadsgrutste yn syn soarte yn de FS mei 225 ûndernimmingen en goed 23.000 wurknimmers.

De grutste wurkjouwers

Undernimming	Wurkfjild	Wurknimmers
U.S. Army Redstone Arsenal	Militêr	12.599
Huntsville Hospital System	Sûnenssoarch	4.320
The Boeing Company	Fleantúchfabryk	3.092
NASA / Marshall Space Flight Center	Romtefeart / Undersyk	2.676
ADTRAN	Telekommunikaasje	1800

Demografy

Fan de befolking is 13,4% âlder as 65 jier en bestiet foar 32,3% uit ienpersoanshúshâldings. De wurkleazens berint 2,9% (sifers folkstelling 2000).

Likernôch 2% fan de befolking fan Huntsville bestiet út hispanics en latino's, 30,2% is van Afrikaansk komôf en 2,2% fan Aziatyske oarsprong.

• 
  Huntsville
• 
  It stedhûs fan Huntsville
• 
  Keunstmuseum Huntsville

Klimaat

Yn jannewaris is de trochsneed temperatuer 3,8 °C, yn july is dat 26,1 °C. Jierliks is de delslach trochstrings 1452,4 mm (gegevens op basis fan de mjitperioade 1961-1990).

Berne yn Huntsville

• Michael E. Brown (1965), heechlearaar planetêre astronomy
• Jimmy Wales (1966), Amerikaansk oprjochter fan Wikipedia
• Debby Ryan (1993), Amerikaansk aktrise en sjongster

Boarnen, noaten en referinsjes

Boarnen, noaten en/as referinsjes:

Volkstelling 2000, www.census.gov