Jakob Vellenga

Jakob Tiede Vellenga (Ljouwert, 2 septimber 1920 - dêre, 20 septimber 2012) wie in PvdA-politikus.

Jakob Vellenga.

Fan 1946-1974 riedslid fan de gemeente Ljouwert (1953-1965 wethâlder, dêrnei fraksjefoarsitter), fan 1950-1954 en fan 1962-1966 lid fan Provinsjale Steaten fan Fryslân. Fan 1953-1964 einredakteur fan Doorbraak, it moanneblêd fan de Protestantsk-Kristlike Wurkmienskip yn de PvdA. Lid fan de Twadde Keamer fan 8 juny 1965 o/m 21 febrewaris 1967, 3 septimber 1968 o/m 9 maaie 1971 en 11 mei 1971 o/m 27 augustus 1979.

Foar 1965 preke hy geregeldwei en fan 1955-1959 wie hy lid fan de Generale Synoade fan de Nederlânske Herfoarme Tsjerke.

Yn it moanneblêd Leeuwarder Gemeenschap fersoarge hy de rubryk yn it Stedsfrysk mei de titel 'Onder het Klokje' (1953-1959).

Boarnen, noaten en referinsjes

Boarnen, noaten en/as referinsjes:

(ned) J.T. (Jakob) Vellenga, Parlement & Politiek Argyf LC G. Abma, Kl. Jansma en oaren (red.), Encyclopedie van het hedendaagse Friesland, Ljouwert: M.A. van Seijen 1975, Vellenga, Jacob Tiede.