Kantabryske See
De Kantabryske See (Spaansk: Mar Cantábrico; Frânsk: Mer Cantabrique; Galisysk: Mar Cantábrico, Astuerysk: Mar Catábricu; Kantabrysk: Mar Cantábricu; Baskysk: Kantauri) is in see foar de súdwestlike kust fan it Jeropeeske fêstelân. Dit wetter leit foar de noardkust fan it Ibearysk Skiereilân en foarmet it súdlike diel fan 'e Golf fan Biskaje. De Kantabryske See is ferneamd nei de regio Kantaabrje, yn noardlik Spanje.
| Kantabryske See | ||
| ||
| De Golf fan Biskaje yn donkerblau en pears, mei de Kantabryske See yn pears. | ||
| geografy | ||
| type wetter | rânesee | |
| lokaasje | foar de Spaanske noardkust | |
| lân |  Frankryk Spanje
| |
| ûnderdiel fan | Golf fan Biskaje | |
| sifers | ||
| maks. lingte | 800 km | |
| maks. breedte | ±50 km | |
| oerflak | ±40.000 km² | |
| djipste punt | 2.789 m | |
De Kantabryske See mjit sa'n 800 km fan east en west. De breedte is iepen foar ynterpretaasje, mar ornaris wurdt dêrfoar likernôch 50 km rekkene. Dêrmei soe de Kantabryske See in oerflak fan ûngefear 40.000 km² beslaan. It djipste punt befynt him op 2.789 m ûnder it wetteroerflak.
De Kantabryske See is in rânesee fan 'e Atlantyske Oseaan. De see foarmet, fan west nei east, de noardlike begrinzging fan 'e Spaanske autonome mienskippen Galysje, Astuerje, Kantaabrje en Baskelân. Hy foarmet ek de westlike begrinzging fan it Frânske departemint Pyrenées-Atlantiques yn Frânsk-Baskelân.
Oan 'e Kantabryske See lizze wichtige havenstêden as Gijón yn Astuerje, Santander yn Kantaabrje, en Bilbao en San Sebastián yn Baskelân. Yn Frânsk-Baskelân lizze de baaiplakken Biarritz en Bayonne oan 'e Kantabryske See. De noardlike râne fan 'e Kantabryske See oan 'e Frânske súdwestkust wurdt oanjûn troch de mûning fan 'e rivier de Adour, by Bayonne.
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |