Kjifstikelbargen fan de Alde Wrâld

De kjifstikelbargen fan de Alde Wrâld (wittenskiplike namme: Hystricidae) foarmje in famylje fan 'e klasse fan 'e sûchdieren (Mammalia), it skift fan 'e kjifdieren (Rodentia), it ûnderskift fan 'e kjifstikelbaarcheftigen (Hystricomorpha) en it tuskenskift fan 'e kjifstikelbaarchdieren (Hystricognathi). Ta dizze taksonomyske groep hearre 11 soarten kjifstikelbargen, dy't foarkomme yn hast hiel Afrika, yn dielen fan Súd-Jeropa, en yn Aazje op it Yndyske subkontinint, yn súdlik Sina, op it skiereilân Malakka en op 'e Yndyske Arsjipel oant Floares yn it súdeasten en de Filipinen yn it noardeasten. De bekendste fan 'e kjifstikelbargen fan 'e Alde Wrâld is de gewoane kjifstikelbaarch of Afrikaanske kjifstikelbaarch (Hystrix cristata of Hystrix galeata), de iennichste soarte dy't (behalven yn Afrika) ek yn Súd-Jeropa libbet.

Kjifstikelbargen fan de Alde Wrâld
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	kjifdieren (Rodentia)
ûnderskift:	kjifstikelbaarcheftigen (Hystricomorpha)
tuskenskift:	kjifstikelbaarchdieren (Hystricognathi)
famylje:	kjifstikelbargen fan de Alde Wrâld (Hystricidae)
Fischer von Waldheim, 1817

Skaaimerken

Kjifstikelbargen fan 'e Alde Wrâld beskikke oer in duchtich wapen yn 'e foarm fan 'e lange, fjoerskerpe stikels dy't har op 'e rêch groeie. Yn gefal fan gefaar sette se dy stikels op en keare it oangeande rôfdier de rêch ta, wêrby't se soms beklingse útfallen dogge. Sels liuwen litte har net selden troch dy ferdigeningsstrategy op in ôfstân hâlde. Mochten se dochs oanfalle, dan komme se derefter dat de stikels maklik loslitte fan 'e rêch fan 'e kjifstikelbaarch, mar troch wjerheakjes oan 'e puntige úteinen dreech út hûd te krijen binne as se dêr ienris ynstutsen binne. Sels as de stikels wol te ferwiderjen binne, kinne se noch in aaklike ûntstekking feroarsaakje trochdat kjifstikelbargen gauris yn har eigen kjitte omrôlje.

Klassifikaasje

famylje kjifstikelbargen fan de Alde Wrâld (Hystricidae) incertae sedis (yndieling ûnwis) Miohystrix † Sivacanthion † Xenohystrix † skaai echte kjifstikelbargen (Hystrix) ûnderskaai Afro-Aziatyske kjifstikelbargen (Hystrix) gewoane kjifstikelbaarch of Afrikaanske kjifstikelbaarch (Hystrix cristata of Hystrix galeata) Kaapske kjifstikelbaarch of Súdafrikaanske kjifstikelbaarch (Hystrix africaeaustralis) wytsturtkjifstikelbaarch (Hystrix indica) ûnderskaai dwerchkjifstikelbargen (Acanthion) Maleiske kjifstikelbaarch (Hystrix brachyura) Sûndakjifstikelbaarch (Hystrix javanica) ûnderskaai Súdeastaziatyske kjifstikelbargen (Thecurus) Borneokjifstikelbaarch (Hystrix crassipinis) Filipynske kjifstikelbaarch (Hystrix pumila) Sumatraanske kjifstikelbaarch (Hystrix sumatrae) skaai echte kwaststurtkjifstikelbargen (Atherurus) Afrikaanske kwaststurtkjifstikelbaarch (Hystrix africanus) Aziatyske kwaststurtkjifstikelbaarch (Hystrix macrourus) skaai langsturtkjifstikelbargen (Trichys) langsturtkjifstikelbaarch (Hystrix fasciculata)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Hystricidae fan Wikimedia Commons.