Blokmies

De blokmies (Parus major) is mei 14 sm de grutste fûgel út de famylje fan de miesfûgels (Paridae). De blokmies is algemien yn hiel Jeropa en Aazje, oeral dêr't beammen steane, foaral yn tunen, parken en iepen boskgebieten.

blokmies
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje miesfûgels (Paridae) skaai swartmiezen (Parus)
soarte
Parus major
Linnaeus, 1758
IUCN-status: net bedrige
ferspriedingsgebiet

Oare Fryske nammen

De blokmies wurdt yn it Frysk ek wol beneamd as blausyske, blokfink, bijbiter, gielboarstke, stiselkopke as swartkopke.

Foarkommen

De blokmies is maklik wer te kennen oan syn swarte kop mei wite wangen. Fierders hat de fûgel in giele búk mei in swarte streek oer de midden. De mantsjes binne fan de wyfkes te ûnderskieden troch de bredere swarte streek oer de búk. Ek is by de mantsjes it giel feller as by de wyfkes. De blokmies is sa'n 14 sm grut en hat in wjukspanwiidte fan 22,5-25,5 sm. Fierder waacht in folwoeksen fûgel in 20 gram.

Iten

De blokmies yt it leafst ynsekten. Yn de hjerst en by winterdei ite blokmiezen ek graach siedden en nuten. Op foerplankjes komme se dan ek geregeld lâns.

Fuortplanting

De blokmies is in echte hoalebrieder. It wyfke siket it hol en bout dêr in nêst dêr't se twa kear in nest jongen utbriedt. De 6-12 aaien komme nei sa'n 12-15 dagen út. De jongen wurde noch 3 wike troch beide âlden fuorre ear't se útfleane.

Sjoch ek

• List fan fûgels

Keppeling om utens

Fideo Blokmies

• Webcams Blokmieskenest op beleeflente.nl
• vogelbescherming.nl Foto's en sang fan de koalmies
• SoortenBank.nl beskriuwing, ôfbylden en lûd
• www.mezencam.nl Live webcam (yn briedseizoen) yn in nestkast fan in koalmies.
• Parusnest Filmkes
• vogelstimmen-wehr.de Filmkes mei sang fan de koalmies
• Hella Krause-Zimmer: "Zauber einer Begegnung – Erlebnisse mit einer Kohlmeise" -ISBN 3-7235-1175-9
• Jenny De Laet: "De vier seizoenen van de mezen"- ISBN 90-5487-392-2
• Andrew Gosler: "The Great Tit" - ISBN 0-600-57950-6
• Meindert de Jong: "Mezen" - ISBN 90-03-98440-9

• 
  Ofwachtsjend...
• 
  Folwoeksen wyfke
• 
  Jonge koalmies
• 
  Aaikes mei 1 eurosint

• Wikiwurdboek-side - Blokmies
•  Commons: Blokmies – foto, fideo en harktriemmen