Levantynske See
De Levantynske See is de namme foar it eastlik part fan de Middellânske See (beëasten 24° EL). De Levantynske See wurdt begrinzge troch Turkije yn it noarden, Syrje, Libanon en Israel yn it easten en Egypte yn it suden. Súdwestlik grinzget dizze see oan de Golf fan Sirte en yn it noardwesten oan de Egeyske See en de Ioanyske See. De Libyske See foarmet yn 'e measte definysjes it súdwestlikste diel fan 'e Levantynske See. It grutste eilân yn de Levantyske See is Syprus.
| Levantynske See | ||
| ||
| geografy | ||
| type wetter | rânesee | |
| lokaasje | tusken Lyts-Aazje en Egypte | |
| lân |  Egypte  Grikelân  Israel Libanon  Lybje Palestina Syprus  Syrje Turkije
| |
| koördinaten | 34° N, 34° E | |
| ûnderdiel fan | Middellânske See | |
| sifers | ||
| maks. lingte | 1.000 km | |
| maks. breedte | 600 km | |
| oerflak | 320.000 km² | |
| djiptegemiddelde | 1.500 m | |
| djipste punt | 4.384 m | |
| wetterfolume | 750.000 km³ | |
De grutste rivier dy't yn de Levantynske See mûnet is de Nyl. Eastlik fan de Nyldelta foarmet it Suezkanaal de ferbining mei de Reade See.
De namme Levantynske See ferwiisd nei de Levant, it eastlik kustgebiet fan de Middellânske See dat al sûnt de âldheid in wichtige hannelsbestimming is.