Maurits Verveer

	Maurits Verveer
	Selsportret
	persoanlike bysûnderheden
nasjonaliteit	Nederlânsk
berne	7 maaie 1817
berteplak	De Haach
stoarn	23 maart 1903
stjerplak	De Haach
	wurkpaad
berop/amt	Skilder en fotograaf
jierren aktyf	1857-1890 (as fotograaf)
	offisjele webside
	RKD-profyl

Moses Leonardus (Maurits) Verveer (De Haach, 7 maaie 1817 - dêre, 23 maart 1903) wie in Nederlânske keunstskilder en fotograaf. ^[1]

Libben en wurk

Verveer wie in soan fan winkelman Leonardus Moses Verveer en Carolina Elkan. Hy folge in oplieding ta keunstskilder. Ek syn bruorren Salomon en Elchanon waarden skilders. Verveer makke meastal marines en Skeveningke strângesichten.

Yn 1857 iepene er syn Etablissemint van photograpische portretten. Der wurdt tocht dat er de oerstap nei fotografy makke omdat de ynkomsten as skilder ôffoelen. Hy soe yndied mear fertsjinje as syn skilderjende bruorren. ^[2] Hy lei him ta op it fotografearjen fan ferneamde persoanen. Yn 1861 joech er it Album van onze tijdgenooten op het gebied van Kunsten en Wetenschappen út, dêr't er sechstich portretten fan heechlearaars en keunstners yn byinoar brocht.
Hy fotografearre ek leden fan it keninklik hûs en ûntfong yn 1863 in presint fan keninginne Sophie, as tank foar syn wurk. Hy mocht him it jier derop photograaf fan Z.M. den Koning der Nederlanden en noch in jier letter photograaf fan Z.M. den Koning der Nederlanden en H.M. de Koningin neame. ^[3] makke de earste offisjele foto fan prinses Wilhelmina, hast twa moanne nei har berte.

Verveer wie lid fan de Pulchri Studio, dêr't syn broer Salomon presidint fan west hat. Doe 't er hast 75 wie, sleat er syn fotostudio en die er as skilder wer mei oan ferskate eksposysjes. Hy ferstoar yn 1903, yn 'e âldens fan 85 jier.

Wurk (in kar)

Rio de Janeiro (1850)
Portret fan prins Frederik`fan Oranje Nassau
Skilder Barend Cornelis Koekkoek
Alexandrine Tinne
Portret fan Jozef Israëls
Anton Mauve
Christoffel Bisschop
Andreas Schelfhout

Boarnen, noaten en referinsjes

Boarnen, noaten en/as referinsjes:

↑ Nederlandse fotografen vanaf 1839: Verveer, Maurits
↑ Rooseboom, H.T. (2006) De schaduw van de fotograaf: Positie en status van een nieuw beroep: fotografie in Nederland, 1839-1889. Utert. (proefskrift)
↑ Mensonides, H.M. (1977) "Een nieuwe kunst in Den Haag. Encyclopedisch overzicht van de eerste Haagse fotografen", Die Haghe. Jierboek 1977, siden. 47-104

Wikimedia Commons

Ofbylden dy't by dit ûnderwerp hearre, binne te finen yn de kategory Maurits Verveer fan Wikimedia Commons.

[1] Nederlandse fotografen vanaf 1839: Verveer, Maurits

[2] Rooseboom, H.T. (2006) De schaduw van de fotograaf: Positie en status van een nieuw beroep: fotografie in Nederland, 1839-1889. Utert. (proefskrift)

[3] Mensonides, H.M. (1977) "Een nieuwe kunst in Den Haag. Encyclopedisch overzicht van de eerste Haagse fotografen", Die Haghe. Jierboek 1977, siden. 47-104

[1]

[2]

[3]

Maurits Verveer

Selsportret
persoanlike bysûnderheden
nasjonaliteit	Nederlânsk
berne	7 maaie 1817
berteplak	De Haach
stoarn	23 maart 1903
stjerplak	De Haach
wurkpaad
berop/amt	Skilder en fotograaf
jierren aktyf	1857-1890 (as fotograaf)
offisjele webside
RKD-profyl