Mikael Niemi

Mikael Niemi (Pajala, Norrbottens län, 13 augustus 1959) is in Sweedsk skriuwer en dichter.

Mikael Niemi
skriuwer
Mikael Niemi, 2013
persoanlike bysûnderheden
echte namme	Per Mikael Niemi
nasjonaliteit	Sweedsk
berne	13 augustus 1959
berteplak	Pajala
etnisiteit	Finsk
wurk
taal	Sweedsk
sjenre	Roman (ferskate sjenres), poëzy
prizen	sjoch tekst
jierren aktyf	1983-no

Mikael Niemi waard grutbrocht yn Pajala, in doarp yn it úterste noarden fan Sweden tichteby grins mei Finlân, in krite dêr't in grut part fan de minsken fan etnysk Finsk komôf is en Tornedelstersk (Meänkieli) praat (in nau oan it Finsk besibbe dialekt dat yn Sweden los fan it Finsk erkenning genietet as minderheidstaal). It opgroeien yn in twatalich fermidden en de spannings dy't dat jaan kin, soene in hieltyd weromkommend tema wurde yn Niemi's lettere wurk. Hy sette útein mei de skriuwerij doet er noch mar fyftjin wie. Nei in oplieding elektrotechnyk, ferhuze er 1977 nei Luleå, dêr't er learaar en jongereinwurker wie en by in lytse útjouwerij wurke. Ein jierren 90 gie er werom nei Pajala.

Ien fan syn leafhawwerijen is astronomy en hy wurket as amateur-astronoom.

Niemi is troud mei de Fryske skriuwster Eelkje Tuma.

Publikaasjes

In kar:

• 1983: Rusning
• 1988: Näsblod under högmässan, gedichten (offisjeel debút)
• 1988: Mitt i skallen!, reportaazje oer it fuortset ûnderwiis
• 1989: Änglar med mausergevär, gedichten
• 1989: Med rötter här uppe, reportaazje oer it Tornedal
• 1994: Kyrkdjävulen, jeugdroman
• 1997: Blodsugarna, jeugdroman
• 2000: Populärmusik från Vittula, roman (Nederlânsk: Popmuziek uit Vittula, ISBN 90-445-0136-4)
• 2004: Svålhålet, sciencefiction-roman
• 2006: Mannen som dog som en lax, misdieroman
• 2006: Jag gjorde Vietaskuppen, drama
• 2010: Skjut apelsinen, jeugdroman
• 2012: Fallvatten, roman
• 2017: Koka björn (roman)

Prizen

• 2000: Augustpriset
• 2000: BMF-plaketten
• 2000: Tidningen VI:s litteraturpris
• 2001: Årets bok-Månadens boks litterära pris
• 2001: Litteraturklubbens Stora Litteraturpris
• 2002: PiratenPriset
• 2009: Albert Engström-priset
• 2013: Studieförbundet Vuxenskolan Norrbottens kulturpris
• 2013: Hedersledamot vid Norrlands nation
• 2018: Mickelpriset

Boarnen, noaten en referinsjes

Boarnen, noaten en/as referinsjes:

(dú) Webside Mikael Niemi by Verlagsgruppe Random House (Internet Archive) (in) Random House - Mikael Niemi (Internet Archive) (swd) Webside Mikael Niemi by Norstedts Vörlag (Internet Archive)