Mylène de la Haye

Mylène de la Haye (Maastricht, 29 maart 1959) is in Nederlânsk sjoernaliste, presintatrise en skriuwster fan Limburchsk komôf.

Mylène de la Haye
tillefyzje- en/of radiopersoanlikheid
persoanlike bysûnderheden
echte namme	Mylène de la Haye
nasjonaliteit	Nederlânsk
berne	29 maart 1959
berteplak	Maastricht (Limburch)
etnisiteit	Nederlânsk Frânsk
reg. identiteit	Limburchsk
wurkpaad
wurksum as	sjoernaliste, presintatrise
medium	tillefyzje
wurksum by	RTL
bekend fan	Echte Mannen Lief en Leed
jierren aktyf	±1980 – no
offisjele webside
gjint

Libben en karriêre

De la Haye waard yn 1959 berne yn Maastricht, dêr't se opgroeide yn in gesin mei fiif bern. Hja is in suster fan 'e akteur Robert de la Haye. Harren âlden hiene yn Maastricht in kafee.

Nei in sjoernalistike karriêre, wêrby't De la Haye û.m. jierrenlang bydragen levere oan it tydskrift Panorama, sette se útein mei in nij wurkpaad op 'e tillefyzje, by RTL Nederlân. Dêrby presintearre se de programma's Echte Mannen, op RTL 4, Te Paard Te Paard, op RTL 5, en fierders Lief en Leed en De Vakantievrouw. Ek hie se yn 2012 in gastrol yn Het Sinterklaasjournaal.

Yn 2003 brocht De la Haye in berneboek út, mei as titel De Droommeesters. Ek publisearre se yn 2012 it autobiografyske Smoelwerk, wêryn't se ferslach die fan har eigen gesichtsrekonstruksje. De la Haye is skieden en hat twa bern. Hja wennet yn Halfweg, yn 'e Noardhollânske gemeente Haarlimmerlide en Spaarnwâld.

Keppelings om utens

• (in) Folsleine filmografy fan Mylène de la Haye yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch References dizze side.