Paasloo
Paasloo is in doarp yn de gemeente Stienwikerlân yn de Nederlânske provinsje Oerisel. It doarp leit eastlik fan Aldemerk en noardwestlik fan Stienwyk tsjin de grins mei Fryslân oan.
| Paasloo | ||
| ||
| Tsjerke fan Paasloo | ||
| Polityk | ||
| Lân |  Nederlân
| |
| Provinsje |  Oerisel
| |
| Gemeente |  Stienwikerlân
| |
| Sifers | ||
| Ynwennertal | (1 jannewaris 2023) [1] | |
| Oerflak | 6,30 km² wêrfan 6,29 km² lân 0,01 km² wetter | |
| Befolkingsticht. | 64 ynw. / km² | |
| Oar | ||
| Tiidsône | UTC +1 | |
| Simmertiid | UTC +2 | |
| Koördinaten | 52° 49' N 6° 1' E | |
| ||
| De tûnemûne | ||
| Kaart | ||
  | ||
Paasloo hat ynwenners (1 jannewaris 2023).
Skiednis
bewurkje seksjeDe omkriten waarden al yn de tredde milennium f.Kr. bewenne. Dêr binne fjoerstiennen út de trachterbekerkultuer fûn. Ek yn de stientiid wie it gebiet bewenne.
Paasloo waard yn 1251 yn in oarkondeboek foar it earst neamd as Paslo. Fierdere beneamings binne: 1395-1396 Paeschele, 1438 Pasel, 1467 Paesel, 1555 Paezeloe, 1561 Paesloe, 1579 Paslo, 1624 Pacelo, 1634 Paeslo, 1665 Paeslooen yn 1867 Paaslo. It is net alhiel wis wat de namme betsjut. It wurdt mooglik yn ferbân brocht mei it Peaskefjoer dat dêre oanstutsen wurdt. Dêrnjonken is it wurd pas oangeande "trochgong", "oergong" in mooglikheid of it Midnederlânske pasch (greide) ûntstien út it Latynske pascua. It twadde part -lo betsjut sokssawat as "iepen bosk".[2]
Op 10 juny 1438 joech biskop Rudolf fan Diepholt oan de ynwenners fan it karspel Paesloe it rjocht om in selsstannich skoutamt yn te stellen. Mei dy rjochten koe it doarp twa jiermerken en in wykmerk hâlde yn de Oldemarck. Yn 1811 waarden de karspels Paasloo, Iselham, De Hare en Aldemerk gearfoege ta de gemeente Aldemerk. Yn 1973 kaam Paasloo by de gemeente Iselham en yn 2001 by de gemeente Stienwikerlân.
Tsjerke
bewurkje seksjeYn 1336 joech biskop [[Jan fan Diest de tastimming om in kapel yn Paasloo te bouwen, itjinge oan 'e râne fan syn territoarium lei. Dy karspeltsjerke waard wijd oan de Jongfaam Marije en de hillige Kirinus. De tsjerke fan Paasloo wie in dochtertsjerke fan de tsjerke fan Stienwyk en waard boud nei it model fan de eardere pleatsen. De tsjerke waard yn 'e earste fearnsiuw fan 'e 16e iuw weropboud en yn de 17e iuw wie dêr in grutte ferbouwing.
State
bewurkje seksjeYn Paasloo hat in grut hearehûs stien. Dat Huis Paesloe waard nei alle gedachten yn 1648 boud en waard yn 1664 al ta state ferheft. It wie in grut hûs fan 17 meter lang. De state besiet 183 bunder lân; seis kapitale boerehiemen. De state hie boppedat guod yn eigendom yn De Kúnder, Blankenham en Dinxterveen. Yn 1846 waard de state ôfbrutsen. Hjoed-de-dei docht allinnich in boskwâl noch oan de eardere state weromtinken.
It besjen wurdich
bewurkje seksje- Tsjerke fan Paasloo
- De iennige tûnemûne fan Nederlân
- it Harmonymuseum galery De Horst. It museum húsmannet likernôch 65 harmoniums út de perioade 1850 - 1950. Yn de galery wurdt skilderkeunst sjen litten.
Ferienings
bewurkje seksje- Jongereinklup JCV Paasloo
- Pealdûnsklup Slingervrouwgies
- Frouljusklup Passaazje ôfd. Aldemerk/Paasloo
| Boarnen, noaten en/as referinsjes: |
|
|
Ofbylden dy't by dit ûnderwerp hearre, binne te finen yn de kategory Paasloo fan Wikimedia Commons. |
| |
Stienwikerlân | |
|---|---|---|
| Stêden: Bloksyl • Follenhove • Stienwyk | ||
| Doarpen: Aldemerk • Belt-Schutsloot • Blankenham • Eesveen • Giteren • Kallenkote • De Kúnder • Ossensyl • Scheerwolde • Sint-Janskleaster • Stienwikerwâld • Wanneperveen • Willemsoard | ||
| Buorskippen en útbuorrens: Baarlo • Baars • Barsbeek • Basse • Basserveld • Blauwe hand • De Bult • Doosje • Dinxterveen • Dwarsgracht • Eese • Heetveld • Iselham • Jonen • Kadoelen • Kalenberch • De Klosse (foar in part) • De Krieger • De Kolk • Leeuwte • Marijenkampen • Moespot • Molenhoek • Muggenbeet • Nederland • Onna • Paasloo • Poepershoek • De Pol • Roekebosch • Ronde Blesse • Ronduite • Thij • Tuk • Westeinde • Wetering • Witte Paarden • Zuideinde • Zuidveen | ||
| wizigje | ||