Prins Hindrikbrêge (Ljouwert)
De Prins Hindrikbrêge (Nederlânsk en offisjeel: Prins Hendrikbrug) is in tige brede brêge yn it sintrum fan 'e Fryske haadstêd Ljouwert. Dit bouwurk is net, sa't faak tocht wurdt, ferneamd is nei prins Hendrik fan Meklenburch-Schwerin, de man fan keninginne Wilhelmina, mar nei prins Hendrik de Seefarder (1820-1879), de jongere broer fan kening Willem III.[1] De brêge oerspant yn noard-súdrjochting de Suderstedsgrêft en ferbynt dêrmei de Prins Hindrikstrjitte, oan 'e noardkant, mei de Sofialeane, oan 'e súdkant. Fuort benoarden en besuden de brêge kruse de Willemskade Noardkant en Súdkant, dy't by de grêft lâns rinne, de Prins Hindrikstrjitte, resp. de Sofialeane.
| Prins Hindrikbrêge | ||
| bouwurk | ||
| ||
| De Prins Hindrikbrêge, sjoen fanôf de Willemskade noardside. | ||
| lokaasje | ||
| lân |  Nederlân
| |
| provinsje |  Fryslân
| |
| gemeente | .png){kind=small} Ljouwert (gemeente)
| |
| plak |  Ljouwert (stêd)
| |
| koördinaten | 53°11′55″ N 5°47′33″ E | |
| bysûnderheden | ||
| type bouwurk | brêge | |
| boujier | 1869, fernijd 1969 | |
| oerbrêget | Suderstedsgrêft | |
| wei of spoar | Prins Hindrikstrjitte / Sofialeane | |
| kaart | ||
  | ||
De rûte Prins Hindrikstrjitte-Sofialeane rint fan 'e Ljouwerter binnenstêd, oan 'e noardlike ein fan 'e Prins Hindrikstrjitte, nei it treinstasjon, oan 'e súdlike ein fan 'e Sofialeane. Foarhinne wie it trajekt fanôf de Frouwepoartsbrêge fia in stikje fan 'e Westerplantaazje, de eastlike helte fan it Ruterskertier, de Prins Hindriksstrjitte en de Sofialeane ien fan 'e wichtichste autorûtes troch de Ljouwerter binnenstêd. Sadwaande kaam der lange tiid in protte ferkear oer de Prins Hindrikbrêge. Dêr kaam lykwols yn 2010 in ein oan, doe't de Gemeente Ljouwert it Ruterskertier ôfsleat foar motorisearre ferkear, mei útsûndering fan 'e bussen fan it iepenbier ferfier.
De oarspronklike Prins Hindrikbrêge waard yn 1869 oanlein. Doe't prins Hindrik de Seefarder dat jiers nei Ljouwert ta reizge om 'e bou yn eagenskou te nimmen, naam it stedsbestjoer dy gelegenheid te baat en freegje syn tastimming om 'e brêge nei him te ferneamen.[1] De hjoeddeiske Prins Hindrikbrêge datearret út 1969, doe't der in fêste brêge yn it plak kaam fan ien dy't iepen koe om skipferkear troch te litten. Yn 2016 en 2017 kaam út 'e Ljouwerter mienskip de rop om 'e brêge wer beweegber te meitsjen, om't dat in ympuls foar de stêd wêze soe.[2] De hege kosten dy't dêroan ferbûn wiene en de minne finansjele foarútsichten fan 'e Gemeente Ljouwert, dy't it jild foar in nije brêge ophoastje moatte soe, makken it lykwols ûnwierskynlik dat soks der yn 'e neie takomst fan komme sil.[3]
Yn juny 2024 waard bekend dat it ferfangen fan 'e fêste Prins Hindrikbrêge troch ien dy't iepen kin foarearst op 'e lange baan skood waard. It kolleezje fan boargemaster en wethâlders fan Ljouwert keazen derfoar om it jild dat foar de ferfanging reservearre wie, út te jaan oan dingen dêr't in hegere prioriteit oan takend waard. (Foarbylden wiene de werynrjochting fan 'e Sint-Jakobsstrjitte en it Doeleplein yn 'e Ljouwerter binnenstêd, de bou fan in nij multy-kultureel sintrum yn Grou en it trochlûken fan 'e Kletsefeart yn Stiens oan 'e Feinsumer Feart ta.)[4]
Sjoch ek
bewurkje seksje| Boarnen, noaten en/as referinsjes: |
|