Rinze Hempenius

Rinze Frederik Hendrik Hempenius (Batavia, 25 febrewaris 1918 - Epe, 12 jannewaris 1982) is in earder Nederlânsk CHU-politikus.

Rinze Hempenius
politikus
echte namme	Rinze Frederik Hendrik Hempenius
nasjonaliteit	Nederlânsk
bertedatum	25 febrewaris 1918
berteplak	Batavia
stjerdatum	12 jannewaris 1982
stjerplak	Epe
etnisiteit	Frysk
partij	CHU
boargemaster fan Frjentsjerteradiel
amtsperioade	1959-1971
foargonger	Frederik Steenhuisen
opfolger	Siebold Hartkamp
boargemaster fan Pijnacker
amtsperioade	1971-1981
foargonger	Jan Vader
opfolger	John de Prieëlle

Hempenius, fan Fryske komôf, waard berne yn Nederlânsk-Ynje. As trettjinjierrige gie hy foar syn oplieding nei Nederlân. Hy studearre rjochten yn Leien. Nei syn stúdzje wie hy folontêr by de gemeentesekretary fan Rijswijk, sekretaris fan in beswierenkommisje foar ûnteigeningsfergoedingen bûten Rotterdam en haad fan de ôfdieling ûnteigening en tawizing fan it prizeburo fan de Direksje Weropbou en Folkshûsfêsting yn Súd-Hollân. Hy waard letter haadkommys fan de provinsjale griffy yn Súd-Hollân.

Hy waard yn 1959 ynstallearre as boargemaster fan Frjentsjerteradiel. Om ûntslach fanwege de gemeentlike weryndieling yn Fryslân foar te wêzen, socht hy om in nije gemeente bûten de provinsje. Yn 1971 waard hy beneamd ta boargemaster fan Pijnacker. Hy makke yn 1981 gebrûk fan de regeling foar eardere úttreding (VUT) en ferhuze nei Epe. Hy ferstoar ut jier dêrop op 63-jierige leeftiid. Hy wie ridder yn de Oarder fan Oranje-Nassau. Yn Pijnacker is in byld fan him komd.