Roosje Hindeloopen

Roosje Hindeloopen (folút: Oud Hindelooper Kunst v/h A. Roosje Anno 1894)[1] is in bedriuw yn 'e Fryske stêd Hylpen, dat yn 1894 oprjochte waard.[1] It bedriuw is spesjalisearre yn 'e makkelei fan tradisjonele Hylper keunst en de produksje fan hânmakke en beskildere meubilêr.[1] Tsjintwurdich makket Roosje Hindeloopen ek eigentiidske meubels, wêrby't moderne ûntwerpen op it mêd fan foarm en patroan kombinearre wurde mei âlde techniken.[1]

Roosje Hindeloopen
algemien
nasjonaliteit Nederlânsk
type privaat
sektor meubelmakkerij
fêstige yn Hylpen (Fryslân)
oprjochte 1894
oprjochter A. Roosje
eigner Titus Stallmann (anno 2020)
offisjele webside
roosjehindeloopen.com

Anno 2020 wie Roosje Hindeloopen mei 125 jier it âldste bedriuw yn 'e Hylper houtfykkeunst en Hylper skilderkeunst.[1] It bedriuw wurdt sjoen as wichtich foar it behâld fan 'e Hylper keunst en kultuer.[1] Eigner Titus Stallmann wie de fjirde generaasje út 'e neiteam fan oprjochter A. Roosje.[1]

Mids desimber 2020 waard Roosje Hindeloopen it predikaat hofleveransier takend.[1][2] It soe op 18 desimber troch kommissaris fan 'e kening yn Fryslân Arno Brok persoanlik oan Stallmann útrikt wurde,[2] mar omreden fan 'e twadde Nederlânske lockdown yn it ramt fan 'e wrâldwide pandemy fan it koroanafirus moast dat útsteld wurde oant in lettere datum.[2]

Keppelings om utens bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes:
  1. 1,0 1,1 1,2 1,3 1,4 1,5 1,6 1,7 ——, Roosje in Hylpen nu Hofleverancier, yn: de Ljouwerter Krante, 14 desimber 2020, s. 14.
  2. 2,0 2,1 2,2 ——, Atelier Roosje later Hofleverancier, yn: de Ljouwerter Krante, 16 desimber 2020, s. 27.