Sankt Maximin (Lütz)
De Sint-Maksiminustsjerke (Kirche Sankt Maximin) is in katolike tsjerke yn it Dútske plakje Lütz yn Rynlân-Palts (Verbandsgemeinde Cochem).
| Sankt Maximin | ||
| bouwurk | ||
| ||
| lokaasje | ||
| lân |  Dútslân
| |
| dielsteat |  Rynlân-Palts
| |
| landkreis |  Landkreis Cochem-Zell
| |
| plak |  Lütz
| |
| bysûnderheden | ||
| type bouwurk | Tsjerke | |
| boujier | 12e iuw | |
| offisjele webside | ||
| Side Parochymienskip Treis-Karden | ||
Skiednis Bewurkje
De oan Maksiminus fan Trier wijde tsjerke is yn de 12e iuw boud en waard yn 1569 ferneatige troch in brân. De weropbou fûn noch yn itselde jier plak. In oare grutte brân yn 1749 ferwoastge njonken it skip fan de tsjerke ek grutte dielen fan Lütz sels.
Yn 1753 folge op 'e nij in weropbou, wêrby't de noch besteande romaanske toer beholden bleau.
De barokke sealtsjerke waard yn 1979 restaurearre. By dy restauraasje binne letter oanbrochte farvelagen ferwidere, sadat de tsjerke tsjintwurdich wer yn de steat is sa't dy mear as twahûndert jier lyn wie.
Ynterieur Bewurkje
It grutste part fan it ynterieur datearret fan de tiid fan fuort nei de grutte brân fan 1749. It heechalter is wijd oan de hillige Maksiminus, de fyfte biskop fan Trier. Syn byld stiet tusken de dûbele korintyske pylders fan it haadalter. De twa smelle sydalters binne wijd oan de Jongfaam Marije (lofts) en Antonius (rjochts). De houten preekstoel hat in klankboerd dêr't in byld fan Sint-Michael yn gefjocht mei de duvel op stiet.[1]
Oargel Bewurkje
It oargel is oarspronklik ôfkomstich út de tsjerke fan it eardere Sistersjinzerske kleaster Rosentahl yn it Pommerbachthal tusken Binningen en Wirfus. It kleaster waard mei de sekularisaasje yn 1802 sletten en gyng op in diel fan de kelder fan de kleastermûne nei folslein ferlern.
De ynventaris fan de kleastertsjerke waard ferkocht en it oargel kaam yn 1805 telâne yn Pommern oan de Moezel, dêr't it fjirtich jier stean bleau. Doe kocht de tsjerke fan Lütz it oargel oan, dêr't it hjoeddedei noch jimmeroan stiet.[2]
Ofbylden Bewurkje
-
Preekstoel
-
Byld Maksiminus
-
Oargel
-
Fresko
| Boarnen, noaten en/as referinsjes: | ||
|
