Sintraal-Afrikaanske Republyk

République centrafricaine
Ködörösêse tî Bêafrika (Sango)


Flagge	Wapen

Lokaasje fan Sintraal-Afrikaanske Republyk

Republyk

Gebiet
% wetter

622.984 km²
-%

Ynwenners (2016)

5.507.257

CFA-frank (XAF)

UTC +1

CAF

.cf

236

De Sintraal-Afrikaanske Republyk is in steat yn Sintraal-Afrika. De haadstêd is Bangui.

Geografy

Lizzing

De Sintraal-Afrikaanske Republyk wurdt begrinzge troch:

Tsjaad yn it noarden,
Sûdan en Súd-Sûdan yn it easten,
Demokratyske Republyk Kongo en de Republyk Kongo yn it suden,
Kameroen yn it westen.

Grutte plakken

Plak	Ynwennertal
Bangui(Bangî)	622.771
Bimbo	124.176
Berbérati	76.918
Carnot	45.421
Bambari	41.356
Bouar	40.353
Bossangoa	36.478
Bria	35.204
Bangassou	31.553
Nola	29.181

Lânskip

Ubangy Rivier oan de râne fan Bangui.

It heechste punt fan it lân is de Mont Ngaoui (1,420 m). Fan súd nei noard feroaret it gea troch it tropysk reinwâld yn it suden en de savanne yn it noarden. Dêrneffens falt yn it suden mear rein as yn it noarden, it klimaat fan it lân wurdt as tropysk skaaimerke.

Skiednis

Yn 1905 waard yn it gebiet fan de Sintraal-Afrikaanske Republyk fan no de Frânske koloanje Oubangui-Chari oprjochte, dat mei oare gebieten yn 1910 ta Frânsk-Ekwatorjaal Afrika gear foege waard.

Yn 1958 waard Oubangui-Chari in autonome steat yn de Frânske Mienskip ûnder de namme Sintraal-Afrikaanske Republyk. Op 13 augustus 1960 waard it lân in ûnôfhinklike republyk. Troch in steatsgreep yn 1966 fan it leger waard de grûnwet bûten wurking steld. As nije presidint tredet kolonel J.B. Bokassa op, dy't sûnttiid in protte foechens nei him ta loekt. Yn 1976 ropt Bokassa it lân út ta keizerryk mei himsels as earste keizer.

Demografy

Befolking

Sûnt de ûnôfhinklikens hat de befolking fan de Sintraal-Afrikaanske Republyk him fjouwerfâldige. Yn 1960 bestie de befolking noch út 1.232.000 minsken. Yn 2009 wie dat oanwaakse oant 4.422.000. De befolking hat lykwols slim te lijen troch de gefolgen fan AIDS.

De naasje is ferdield yn mear as 80 etnyske kloften, elts mei in eigen taal. De grutste etnyske kloften binne de Baya (33%), Banda (28%), Mandjia (7%), Sara (10%), Mboum (7%), M'Baka (4%), Yakoma (4%), en Fulany (3%), oaren 4%, Jeropeanen ynbegrepen meast fan Frânske komôf.

Religy

Kristenen foarmje de helte fan de befolking, wylst 35% noch de ynhiemske godstsjinsten oanhinget. De islam wurdt dien troch goed 15% fan de bewenners fan it lân.