Sportpark Noard wie tusken 1928 en 1994 it stadion fan fuotbalklub SK Hearrenfean. It stadion stie oan de J.H. Kruisstrjitte, tsjin oer sikehûs de Tsjongerskâns. Yn 1985 waard de namme fan it stadion, koart nei de dea fan Abe Lenstra, feroare yn it ‘Abe Lenstra stadion’. It nije stadion, dêr't It Hearrenfean sûnt 1994 yn spilet, hat dizze namme ek krigen.

Sportpark Noard
Abe Lenstra Stadion (1985-1994)
  stadion
Sportpark Noard (1965)
Sportpark Noard (1965)
lokaasje
lân Nederlân
provinsje Fryslân
gemeente It Hearrenfean
plak It Hearrenfean
algemiene ynformaasje
type fuotbalstadion
teams VV It Hearrenfean (1928–1978)
SC It Hearrenfean (1978–1994)
kapasiteit 15.000
type oerflak gers
bou
iepening 1928
sloopt 1994
kaart
Sportpark Noard (It Hearrenfean)
Sportpark Noard
Lokaasje fan Sportpark Noord

Sportpark Noard joech op it hichtepunt plak oan sa'n 15.000 taskôgers. Mar yn de perioade fan it ‘Gouden Hearrenfean’, jierren ’40 en begjin jierren ’50, sieten dêr somtiids wol it mearfâld fan yn it stadion. Mei pakken strie waarden dan ekstra tribunes makke.

Neidat it Hearrenfean it kompleks ferlitten hie foar it nije stadion waard it sportpark ôfbrutsen. Parten dêrfan binne skipe nei Suriname dêr't it jierrenlang op de kaaien fan Paramaribo lein hat. Hjoed de dei leit op it plak in parkearplak en in part fan in wenwyk.

Der is ien kear in ynterlân fan it Nederlânske fuotbalalvetal spile yn Sportpark Noard.[1] Nederlân spile doe in freonskiplike wedstriid tsjin Bulgarije. Dy ynterlân hie plak op 4 septimber 1985, twa dagen nei de dea fan Abe Lenstra op 64-jierrige leeftyd. Lenstra soe earegast wêze by it barren, mar ferstoarn op 2 septimber. Foar de wedstriid waard foar Lenstra ien minút stilte beächte.

Boarnen, noaten en referinsjes bewurkje seksje

Boarnen, noaten en/as referinsjes:
  1. Interlands Nederlands Elftal in Sportpark Noord, Voetbalstats.nl (sjoen op 15 novimber 2010)