Trinity St. Clair
Trinity St. Clair, echte namme ûnbekend (Redding (Kalifornje), 3 febrewaris 1990), is in Amerikaansk neakenmodel, stripper en pornografysk aktrise fan etnysk Italjaansk komôf, dy't yn it ferline ek wol gebrûk makke hat fan 'e artystenamme Taylor Jean, en wa har namme oft ek wol (mis)stavere wurdt as Trinity St. Claire. Neffens har offisjele opjefte is se 1.55 m, mei in gewicht fan 43 kg.
| Trinity St. Clair | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Trinity St. Claire, Taylor Jean | |
| echte namme | ? | |
| nasjonaliteit |  Amerikaansk
| |
| berne | 3 febrewaris 1990 | |
| berteplak | Redding (Kalifornje) | |
| etnisiteit |  Italjaansk
| |
| wurkpaad | ||
| wurksum as | neakenmodel, stripper, pornoaktrise | |
| jierren aktyf | 2010 – no | |
| offisjele webside | ||
| trinitystclair.com | ||
Libben en karriêre
bewurkje seksjeTrinity St. Clair is hikke en tein yn Redding, yn 'e steat Kalifornje. Se waard grutbrocht troch har mem, yn in brutsen gesin. Op 'e middelbere skoalle koe se goed meikomme, mar se wie net populêr, en hat harsels yn dy libbensfaze omskreaun as in "band geek", mei't se yn 'e skoalleband de ksylofoan, de tromboane en de klarinet spile. Nei't se slagge wie foar har middelbere-skoaleksamen studearre St. Clair psychology, dêr't se in bachelorstitel yn behelle.
Se wie fan doel en spesjalisearje har yn 'e bernepsychology, mar yn 2010 rekke se belutsen by de pornoyndustry en datselde jiers noch makke se har debút yn in pornografyske film. Neffens de Internet Adult Film Database (IAFD) hat se sûnt yn krapoan hûndert pornofilms spile, û.m. foar sokke foaroansteande labels as Adam & Eve, Evil Angel, Wicked Pictures, Digital Sin, New Sensations, Zero Tolerance, West Coast Productions, Pure Play Media, Devil's Film, Diabolic Video en Jules Jordan Video.
Yn april 2012 tekene St. Clair in kontrakt mei OC Modeling, in foaroansteand ympressarioburo yn 'e Amerikaanske pornoyndustry. Se hat ûnderwilens twaris nominearre west foar in AVN Award (de Oskar fan 'e pornowrâld).
Prizen en nominaasjes
bewurkje seksje| Jier | Priis | Resultaat | Kategory | Foar har optreden yn |
|---|---|---|---|---|
| 2013 | AVN Award | nominearre | bêste nije stjer | n.f.t. |
| Xbiz Award | nominearre | bêste nije stjer | n.f.t. | |
| 2014 | AVN Award | nominearre | bêste byrol fan in aktrise | Grease XXX: A Parody |
| Xbiz Award | nominearre | bêste byrol fan in aktrise | Grease XXX: A Parody |
Keppelings om utens
bewurkje seksje- (in) Offisjele webside fan Trinity St. Clair
- (in) Biografy en filmografy fan Trinity St. Clair yn 'e Internet Movie Database (IMDb)
- (in) Biografyske gegevens en filmografy fan Trinity St. Clair yn 'e Internet Adult Film Database (IAFD)
| Boarnen, noaten en/as referinsjes: | ||
|
