Weenermoor

Weenermoor is in doarp yn it Dútske diel fan it Reiderlân en foarmet in Ortsteil fan de gemeente Weener yn East-Fryslân.

Weenermoor
Sifers
Ynwennertal	347 (31 desimber 2017)
Oerflak	17,59 km²
Befolkingsticht.	20 / km²
Hichte	0,4 m
Polityk
Lân	Dútslân
Dielsteat	Nedersaksen
Lânkring	Lier
Gemeente	Weener
Oar
Postkoade	26826
Offisjele webside
Webstee fan de gemeente Weener

It Reiderlân

Skiednis

Weenermoor hat as bynamme it wandernde Dorf (it kuierjende doarp), om't it plak mei it oanmeitsjen fan it fean him troch de iuwen hinne nei it westen ferpleatste. Dêrtroch kaam it doarp jimmeroan fierder te lizzen fan de oarspronklike delsetting. Hieltiten wer waarden der hûzen ôfbrutsen en fierder westlik wer opboud. Inkelde bewenners bleaune lykwols op it âlde stee en hjoeddedei drage dizze plakken de namme Dreehusen, Tweehusen en Eenhus (de lêste namme is no offisjeel Dútsk en hjit Einhaus, dat yn it doarp Bingum leit.

Âldere nammen fan Weenermoor wiene Wenighermór (1428), Wenygmoer (1456) en Wengramoor (1496). Yn 1581 bestie Weenermoor út twa dielen: Overmohr en Weenighermohr. Sûnt 1891 makket it plakje Overmohr folslein diel út fan Weenermoor.

De tsjerke fan Weenermoor

De herfoarme tsjerke

De herfoarme tsjerke fan Weenermoor waard yn de jierren 1823-1824 boud, nei't in âldere tsjerke út 1660 yn 1815 ynstoartte fanwegen de minne steat fan ûnderhâld. Dizze âldere tsjerke stie in stik eastliker en de ynwenners moasten sa'n ein rinne, dat hja by min waar de sneinske klean ûnder de earm meinamen en harren yn de tsjerke ferklaaiden. De heareboeren betellen de bou fan de nije tsjerke en krigen dêrfoar it rjocht op in fêst plak yn de banken. Dit rjocht waard net earder as yn 1954 opheven.

Keppeling om utens

• (dú) Beskriuwing op Genealogie-forum.de