West London Film Studios

De West London Film Studios (WLFS), binne in studiokompleks yn 'e wyk Hayes fan 'e Britske haadstêd Londen, dêr't de opnamen foar in protte films en tillefyzjeprogramma's plakfine. Ek wurde der in soad reklamespotsjes filme en is it kompleks beskikber foar it meitsjen fan fotoreportaazjes. De West London Film Studios waarden yn 2014 iepene.

West London Film Studios
algemien
nasjonaliteit	Britsk
type	privaat
sektor	tillefyzje- en filmyndustry
fêstige yn	Londen (Ingelân)
oprjochte	2014
eigner	Frank Khalid
offisjele webside
www.westlondonfilmstudios.com
kaart
Lokaasje yn Londen.

Skiednis

It perseel waard yn 2005 oankocht troch de Britske sakeman Frank Khalid. It waard pas op 18 maaie 2014 formeel iepene as studiokompleks. By de iepeningsseremoanje waard it lint trochknipt troch Khalid en akteur Aaron Paul, dy't bekend wurden wie út 'e Amerikaanske misdiesearje Breaking Bad.

Fasiliteiten

De West London Film Studios omfetsje krapoan 10.000 m² oan studioromte, ferdield oer seis ûnderskate soundstages. Dêrnjonken binne der ek klaaikeamers, romten foar fisazjy en hierstilearring, opslachromten foar kostúms en rekwisiten, wurkplakken foar de produksje fan dekôrstikken, fasiliteiten foar postproduksjewurk en kantoarromte. De West London Film Studios hawwe de iennichste medyske soundstages yn it Feriene Keninkryk, dêr't sênes filme wurde kinne dy't bgl. spylje yn it sikehûs of yn in mortuarium. It studiokompleks is sadwaande tige yn trek foar sikehûssearjes en plysjesearjes.

Produksjes

Films

In seleksje fan films dy't alteast foar in diel yn 'e West London Film Studios opnommen binne:

• The Imitation Game (2014)
• Bridget Jones's Baby (2016)
• Stan & Ollie (2019)
• Last Christmas (2019)
• The Duke (2020)

Tillefyzje

In seleksje fan tillefyzjesearjes dy't alteast foar in diel yn 'e West London Film Studios opnommen binne:

• New Tricks (2015)
• Not Going Out (krystspecial 2015)
• The Nightmare Worlds of H.G. Wells (2016)
• Siblings (2016)
• Strike (2017–2020)
• There She Goes (2018)
• Killing Eve (2018–2020)
• Ted Lasso (2020–2021)
• Finding Alice (2021)
• Dead Pixels (2021)
• Silent Witness (fan 2014 ôf)

Keppelings om utens

• (in) Offisjele webside fan 'e West London Film Studios
• (in) In oare webside fan 'e West London Film Studios, taspitst op it medyske elemint fan it studiokompleks

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.