Abbekerk

Abbekerk (Frysk: Abbetsjerk) is in doarp yn 'e regio West-Fryslân. It wie fan 1 jannewaris 1812 oant 1 jannewaris 1979 in selsstannige gemeente, dêr't ek it doarp Lambertschaag by hearde. Neitiid hearde it 28 jier by de gemeente Noarder-Koggelân, foar't it yn 2007 by Medemblik kaam te hearren.

Abbekerk
Protestantske tsjerke.
Emblemen
Bestjoer
Lân	Nederlân
Provinsje	Noard-Hollân
Gemeente	Medemblik
Sifers
Ynwennertal	2.070 (31-12-2021)
Oerflak	3,1 km²
Befolkingsticht.	668 ynw. / km²
Oar
Tiidsône	UTC +1
Simmertiid	UTC +2
Koördinaten	52° 43' N 5° 1' E
Kaart

Skiednis

De namme Abbekerk giet werom op in bul fan paus Innosintius IV (1243-1254), wêryn't de besittings fan it nonnekleaster fan Himmelum fêstlein wurde. As plaknamme waard it doarp foar it earst yn 1310 as Abbenkerke neamd. De plaknamme soe der nei ferwize dat dêr in tsjerke fan Van Abbe(n) stie.

Tusken 1402 en 1415 waard hast it hiele plattelân yn de Westfryske Omringdyk ferdield yn stêden. Dy plattelânsstêden wiene yn 'e regel kombinaasjes fan doarpen, dy't mienskiplike stedsrjochten hiene. Sa waard op 2 febrewaris 1414 Abbekerk mei Twisk, Midwoud en Lambertschaag troch Willem VI in stêd (stede), wylst eltse banne in eigen bestjoer hold. Letter soe Abbekerk allinne noch folsleine stedsrjochten mei Lambertschaag ha; Twisk en Midwoud bleaune ûnder de rjochten fan Abbekerk fallen. Yn Abbekerk wie ek in rjochtshûs, dat noch jimmeroan bestiet mar yn 1830 ferboud waard en dêrtroch der hjoed-de-dei hiel oars útsjocht. Oant 1811 bleau it doarp by de "stêd" Abbekerk hearren. Sûnt 1 jannewaris 1812 foarme it doarp mei Lambertschaag de gemeente Abbekerk en dat bleau sa oant en mei 1978.

Abbekerk leit oan 'e Westfryske Omringdyk. Eartiids lei it plak oan it wetter, dat tsjintwurdich de polder Wieringermar is. It doarp sels leit net oan 'e dyk, it wat noardliker lizzende Lambertschaag docht dat wol. Abbekerk is as in lintdoarp oanlein. Yn 'e midden fan it lint rint de Doarpsstrjitte, dy't yn it noarden rjochting Lambertschaag yn it Noardein oergiet en yn it suden yn it Súdein.

Oan 'e Doarpsstrjitte stiet de âlde bebouwing fan it doarp. De strjitte telt ferskillende monuminten, wêrûnder de tsjerke, it eartiidske rjochtshûs en ferskillende âlde stolppleatsen.

Hiel lang hie it doarp om en de by 1000 ynwenners. Yn 1969 waard Abbekerk oanwiisd as groeikearn. Doe waard it plak in stik grutter dan it lange tiid west hie. Yn 1984 wie dat yntusken ferdûbele. Yn 1979 wie Abbekerk by it ûntstean fan 'e gemeente Noarder-Koggelân ek de haadkearn fan 'e gemeente woarn, ek al stie it gemeentehûs yn Midwoud.

• 
  Súdein 12
• 
  Súdein 22
• 
  Súdein 51
• 
  Doarpsstrjitte 89
• 
  Doarpsstrjitte 97

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Abbekerk fan Wikimedia Commons.