Adrian Smith

Adrian Frederick Smith (Hackney, 27 febrewaris 1957) is in Ingelsk gitarist. Hy is benammen bekend as de gitarist fan Iron Maiden.

Adrian Smith
sjonger en/of muzikant
Adrian Smith (2010)
persoanlike bysûnderheden
echte namme	Adrian Frederick Smith
nasjonaliteit	Britsk
berne	27 febrewaris 1957
berteplak	Hackney (East-Londen)
etnisiteit	Ingelsk
wurkpaad
sjenre	Metal
ynstrumint	Gitaar
jierren aktyf	1972 - No

Karriêre

Smith wie gitarist by Urchin, dy't er ferliet om ein 1980 lid te wurden fan Iron Maiden. Killers út (1981) is it earste studio-album dêr't Smith op te hearren is. By in skoft fan Iron Maiden rjochte hy yn 1989 de band ASAP op. Begjin 1990 ferliet er Iron Maiden út ûnfrede mei de rjochting dy't de band útgie. Hy hold hielendal op mei muzyk meitsjen. Yn 1993 begûn er in eigen band, Psycho Motel. Ek dêrmei hie er gjin sukses. Dêrnei wurke Smith mei op de solo-albums Accident Of Birth (1997) en Chemical Wedding (1998) fan Bruce Dickinson (dy't ûnderwilens ek Iron Maiden ferlitten hie). Tegearre mei Dickinson kaam Smith yn 1999 werom by Iron Maiden. De Ed Hunter-toernee folge noch itselde jier.

Priveelibben

Smith waard berne yn Hackney yn East-Londen, it Feriene Keninkryk, as de jongste yn in gesin fan trije. Syn heit wie skilder. Adrian Smith is boaske mei Nathalie Dufresne en hat trije bêrn.

Diskografy

Albums

Album	Utbrocht op	Band	Single(s)
Killers	2 febrewaris 1981	Iron Maiden	Twilight Zone, Purgatory
The Number of the Beast	22 maart 1982		Run to the Hills, The Number of the Beast
Piece of Mind	16 maaie 1983		Flight of Icarus, The Trooper
Powerslave	3 septimber 1984		2 Minutes to Midnight, Aces High
Somewhere in Time	29 septimber 1986		Wasted Years, Stranger in a Strange Land
Seventh Son of a Seventh Son	11 april 1988		Can I Play with Madness, The Evil That Men Do, The Clairvoyant
Accident of Birth	12 maaie 1997	Bruce Dickinson	Accident of Birth, Man of Sorrows
The Chemical Wedding	15 septimber 1998		Killing Floor
Brave New World	29 maaie 2000	Iron Maiden	The Wicker Man, Out of the Silent Planet
Dance of Death	8 septimber 2003		Wildest Dreams, Rainmaker
A Matter of Life and Death	25 augustus 2006		The Reincarnation of Benjamin Breeg, Different World
The Final Frontier	13 augustus 2010		El Dorado
The Book of Souls	4 septimber 2015		Speed of Light, Empire of the Clouds
Senjutsu	3 septimber 2021		The Writing on the Wall, Stratego

Boarnen, noaten en referinsjes

Boarnen, noaten en/as referinsjes:

Metal Archives