Afrikaanske pappegaaido

De Afrikaanske pappegaaido (Treron calvus) is in fûgelsoarte yn it skaai pappegaaidowen (Treron) út 'e famylje dowen (Columbidae). It is ien fan 'e fiif soarten fan it skaai yn 'e Afrikaanske tropen. De Afrikaanske pappegaaido hat in grut ferspriedingsgebiet ûnder de Sahara mei 17 erkende ûndersoarten.

Afrikaanske papegaaido
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift do-eftigen (Columbiformes) famylje dofûgels of dowen (Columbidae) skaai pappegaaidowen (Treron)
soarte
Treron calvus
Temminck, 1811
IUCN-status: net bedrige

Beskriuwing

Afrikaanske pappegaaido yn it Nasjonaal Park Kruger (Súd-Afrika).

De fûgel is 25 oant 30 sm lang en weecht 130 oant 285 gram. De boppedielen binne griisgrien oant gielgrien. De snaffel hat boppe by de basis opfallend reade waakshûd. De snaffel hat fierder in wite punt. Under oan 'e hals hat de fûgel in grize flek.

Wyfkes ferskille net in soad fan mantsjes, se binne allinne wat lytser en doffer fan kleur.

Undersoarten

De Afrikaanske pappegaaido hat 17 ûndersoarten. De ûndersoarten yn it westen hawwe op 'e snaffel in relatyf grutte, reade waakshûd, in grize sturt en giele poaten, wylst de eastlike en súdeastlike ûndersoarten mear grien op 'e sturt ha en oranje oant rôze poaten.

T. c. sharpei (Gana).

T. c. delalandii (Súd-Afrika).

• T. c. calvus: east Nigearia oant it noardeasten fan 'e Kongo-Kinsjasa en sintraal Angoala.
• T. c. virescens: Prinsipe.
• T. c. sharpei: Sierra Leöane oant súd Nigearia en it noarden fan Kameroen.
• T. c. nudirostris: Senegal oant Gambia en Guinee-Bissau.
• T. c. poensis: Bioko.
• T. c. uellensis: Súd-Sûdan, it noarden fan Kongo-Kinsjasa, Uganda.
• T. c. brevicera: Súdwest Etioopje oant noardlik Tanzania beëasten de Grutte Slink (útsein de kust).
• T. c. salvadorii: it easten fan Kongo-Kinsjasa, it súdwesten fan Tanzania, Sambia, it noarden fan Malawy en Mozambyk.
• T. c. wakefieldii: kuststreek fan Kenia en noardeastlik Tanzania.
• T. c. schalowi: eastlik Angoala, noardeastlik Namybje, noardlik Botswana en it noardwesten fan Simbabwe.
• T. c. ansorgei: westlik Angoala (súd fan 'e Kwanza).
• T. c. vylderi: noardwesten fan Namybje (eastlik fan Grootfontein).
• T. c. gibberifrons: súdeasten fan Súd-Sûdan oan de Fiktoaria Mar yn Uganda, Rûanda, Burûndy, westlik Kenia en noardwestlik Tanzania.
• T. c. delalandii: kust fan súdeast Tanzania oant it suden fan Súd-Afrika (eastlike Kaapprovinsje).
• T. c. granti: Leechlannen fan eastlik Tanzania en Sansibar.

Status

De Afrikaanske pappegaaido stiet op 'e Reade list fan 'e IUCN as 'net bedrige' (sitewaasje 2024). De grutte fan 'e populaasje is net bekend. It oantal fan 'e soarte rint tebek, mar lokaal komt de do noch in soad foar. Ek hat de soarte in grut ferspriedingsgebiet.

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan 'e Nederlânsktalige Wikipedyside; sjoch foar de bewurkingsskiednis: nl:Afrikaanse papagaaiduif (ferzje 17 april 2024) Birdlife, oproppen 17 april 2024 Commons Wikimedia Commons  Ofbylden dy't by dit ûnderwerp hearre, binne te finen yn de kategory Afrikaanske pappegaaido fan Wikimedia Commons.